Kreu i Partisë së Lirisë, Ilir Meta bën thirrje nga qelia për të votuar kandidatin për deputet në Lezhë, Viktor Tusha. Meta shprehet se Tusha, i cili ka drejtuar edhe bashkinë e Lezhës, do të jetë një përfaqësues dinjitoz në Kuvend. Sipas tij, Tusha njihet për klimën e mirëkuptimit dhe horizontit të gjerë.

“Të gjitha takimet e tij shumë intensive elektorale jo vetëm në Lezhë, por edhe në Diasporë, me të cilën ai është shumë i lidhur, karakterizohen po nga këto cilësi të vyera të tij.”, thotë Meta.

Reagimi i plotë:

Është një kënaqësi shumë e veçantë të mbështesësh një themelues të partisë, intelektual dhe menaxher të shkëlqyer si Viktor Tusha, kandidati ynë për deputet në Qarkun e Lezhës.

Viktori është dhe mbetet një shembull i qytetarisë, por edhe i aftësive ekselente drejtuese, plot ide dhe vizion.

Dikur si Kryetar i Bashkisë së Lezhës, Viktori do të mbahet mend gjatë për klimën e mirëkuptimit, horizontin e gjerë dhe perspektivën që krijoi për qytetin, duke kuptuar si askush më parë vlerat historike, natyrore dhe potencialet e jashtëzakonshëm të tij.

Të gjitha takimet e tij shumë intensive elektorale jo vetëm në Lezhë, por edhe në Diasporë, me të cilën ai është shumë i lidhur, karakterizohen po nga këto cilësi të vyera të tij.

Lezha me Viktorin do të ketë një përfaqësues dinjitoz në Kuvendin e Shqipërisë, ashtu sic e meriton dhe kush më mirë se ai do ta përmbushë këtë detyrë politiko - qytetare.

Suksese dhe fitore të padiskutueshme Viktor Tusha!

VOTO NR.1 – Koalicioni “PD – Aleanca për Shqipërinë Madhështore”

VOTO VIKTOR TUSHAJ – Qarku Lezhë”

Xh.D/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 19 Maj, 20:20

    Berisha kalon për gjykim për dosjen Partizani, a do të ketë drejtësi?

Lajme të tjera