Kryetari i Kuvendit, Ilir Meta po zhvillon të martën një vizitë zyrtare në Mal të Zi.

Ai është pritur nga Presidenti malazez Filip Vujanoviç, ndërsa pritet të takohet dhe me zyrtarët të tjerë të lartë të këtij vendi fqinj.

Gjithashtu, Kryeparlamentari Meta do ti drejtohet me një fjalë përshëndetëse parlamentit malazez.

Vizita e kreut të Kuvendit në Podgoricë u paralajmërua gati tre javë më parë nga kryetari i parlamentit malazez, Darko Pajoviç, gjatë vizitës së tij në Tiranë. 

Ai ishte i pranishëm në seancën plenare të Kuvendit te Shqipërisë ku u ratifikua protokolli i Traktatit të Atlantikut Verior për aderimin e Malit të Zi.