Kryetari i Kuvendit vlerëson figurën e Westerwelle si një politikan i dedikuar evropianist dhe një mbështetës i integrimit të Shqipërisë. Meta tha se ndarja e tij nga jeta në një moshë të re, është një lajm i trishtë për të gjithë ata që e kanë njohur nga afër.
“Zoti Westerwelle ishte një politikan i dedikuar evropianist si dhe një mbështetës i integrimit të Shqipërisë. Me z.Westerwelle kam patur kënaqësinë të bashkëpunojmë për liberalizimin e vizave dhe avancimin e Shqipërisë drejt Bashkimit Europian. Z. Westerwelle ishte një politikan i parimeve me peshë në Gjermani dhe në Evropë. Ndarja e tij në një moshë kaq të re, është një lajm i trishtë për të gjithë ata që e kanë njohur nga afër”, theksoi kreu i LSI-së.
Redaksia Online
(m.b/shqiptarja.com)