Ilir Meta nuk ka hezituar t’i përgjigjet kryeministrit Edi Rama për ngjarjen e rëndë në Himarë duke e cilësuar si “autorin e vrasjes” që hiqet si viktimë dhe po tenton të bëjë njësoj si me rastin e Klodian Rashës. Meta thotë se qëllimi i Ramës është vetëm të shfajësohet ndërsa kontrollon të gjithë pushtetet dhe nuk ka lënë njeri pa gjobitur për t’i mbajtur nën presion dhe shantazh. Gjithashtu pretendon se kryeministri i jep të gjithëve garanci se nuk do të ndëshkohen.

Ky reagim i Metës vjen pasi në një reagim në Twitter, Rama tha se e gjithë revolta është nxitur nga nongratat dhe nga ata me identitet të dyfishtë. Me këtë të fundit i referohet Ilir Metës pasi Autoriteti i Dosjeve verifikoi se një politikan i identifikuar si Ilir Metaj rezultoi se ka qenë bashkëpunëtor i ish-Sigurimit të Shtetit. Ndërsa prej kohësh nuk e thërret në emër Sali Berishën por i referohet si ‘non grata’ pasi është në listën e zezë të SHBA dhe Mbretërisë së Bashkuar.

Komentet e tij, Ilir Meta i bëri në Fier pasi me ardhjen në krye në Partinë e Lirisë, ka nisur edhe takimet në terren. Kryetari i Partisë së Lirisë ka zhvilluar sot takime me fermerët dhe blegtorët në Fier. Nga atje, ka akuzuar kreun e qeverisë se ka kapur çdo pushtet dhe se shteti ka rënë.

‘Rama kontrollon të gjitha pushte. Kjo vrasje kjo mënyrë sjellje është paralajmëruar prej kohësh. Ky brutalitet vjen nga kryeministër i papërgjegjshëm. Rama nuk ka lënë njeri pa gjobitur dhe vënë viktimën. Për një shtet që vazhdon paguan çdo ditë për një aferë skandaloze siç është ajo e inceneratorëve si mund të themi që një shtet i tillë të ekzistojë.

Vendi ynë është në një situatë të pafavorshme. Qeveria nuk e mbështet fare bujqësinë dhe ato mbështetje që bën i ka klienteliste. Bujqësia do të jetë prioritet kryesor sepse bujqësia dhe agroturizmi do të jenë shtyllat. Shumica e familjeve shqiptare merren me këto aktivitet.  Nuk është çështje fushate, por duhet ndryshim. Shumë shpejt do të kemi ndryshime të jashtëzakonshëm.’- tha Meta.

Rendit zhvillimet sipas orarit:
Ora 13:13
Ilir Meta i përgjigjet Ramës: Je autor i vrasjes, kërkon të bësh viktimën si me Klodian Rashën

 

Kreu i Partisë së Lirë, Ilir Meta iu përgjigj kryeministrit Edi Rama për ngjarjen tragjike në Himarë duke thënë se kërkon të bëjë viktimën si me rastin e Klodian Rashës por është “autori i vrasjeve me arrogancën e tij”. Ndër të tjera tha pretendon se Rama nuk ka lënë njeri në Shqipëri pa gjobitur për ti mbajtur nën presion dhe shantazh. Reagimi i Metës erdhi pasi në një reagim në Twitter, Rama tha se e gjithë revoltat është nxitur nga nongratat dhe nga ata me identitet të dyfishtë.

“Rama punon çdo ditë kundër të gjithë shqiptarëve. Shikoni rrogat më të ulëta, pensionet më të ulëta, çmimet më të larta. Shikoni vetëm një njeri që do të shfajësohet pas 10 vitesh në pushtet kur kontrollon të gjitha pushtetet në vend. Nuk ka lënë njeri në Shqipëri pa gjobitur për ti mbajtur nën presion dhe shantazh. Sot kërkon të bëjë viktimën se autori i vrasjeve me arrogancën e tij është ai. Është ai që u jep siguri politike dhe garanci për pandëshkueshmëri. Siç e kemi parë dje, siç e kemi parë në rastin e të ndjerit Rasha. Këta bëjnë si të fortë me popullin se kanë atë, por e patë në Elbasan si rrinin para të fortëve, rrinin sus”, tha Ilir Meta.