POP 5

Lajmet më të lexuara të 5 minutave të fundit

Kultura

Metateatër e komedi arti! ‘Princesha e Dyrrahut’ me personazhe historikë e dritëhijet e aktualitetit social e politik, regjisori Doda: Është realiteti ynë, duhet të flasim

Vladimir Doda dhe Teatri i Durrësit rikthyen për dy net radhazi tek “Eksperimentali” magjinë e komedisë së teatrit. Premiera “Princesha e Dyrrahut” sjell në formën e metateatrit personazhe historikë, surrealë e deri edhe politikanët e sotëm përmes batutave...

Personazhe surrealë, historik e situata të ambientuara sipas rrjedhës së realitetit, regjisori Vladimir Doda, rikthen magjinë e komedisë së artit përmes premierës “Princesha e Dyrrahut”.

Për dy ditë radhazi, në skenën e “Eksperimentalit”, trupa e Teatrit të Durrësit “Aleksandër Moisiu”, i ‘servir’ publikut një teatër brenda teatrit, me një sërë skenarësh, ku elementë të së kaluarës dhe aktualiteti harmonizohen me finesë.

 “Komedia e artit për të qenë sa më lart, kërkon një ambientim, është një lloj deklaazhi spostim në kohë për të mos u bërë të mërzitshëm, nëse flasim për aktualitetin, dhe për të kërkuar një lloj dëfrimi tek publiku”, thotë regjisori Doda.

Fenomeni i silikonit, prania e dendur e kulturës turke, emigracioni, korrupsioni e deri tek rasti i “5 majit”, janë vetëm disa nga copëzat e aktualitetit të sjella përmes lojës së aktorëve, ku edhe vetë Doda interpreton rolin e Valerios.

“Ky është realiteti shqiptar, duhet të flasim dhe për të. Mbase e vetmja gjë që kam evituar, është që të ushqejmë ne disa fenomene mediatike. Ndërsa për realitetin politik dhe ekonomik ne duhet të flasim, dhe kush mund ta bëjë më mirë sesa tatri”, shton më tej.

Komedia e shkruar nga Doda të shpie pas në kohë, në shekullin e XII-të, tek personazhi i princeshës së Bizantit, Ana Komnenas, i interpretuar nga Mimoza Marjanaku. Ndërsa kamuflimi i saj si ‘zonja Lukrecia’, të kujton të parën grua që u ngjit në një skenë teatrale, pikërisht përmes këtij zhanri që lind në shekullin e XVI-të.

J.GJ./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Letrat amerikane kundër diversitetit mbërrijnë edhe te furnitorët italianë: Mos zbatoni politika të barazisë dhe përfshirjes

Letrat amerikane kundër diversitetit mbërrijnë edhe te furnitorët italianë: Mos zbatoni politika të barazisë dhe përfshirjes

30 Mars, 15:11