POP 5

Lajmet më të lexuara të 5 minutave të fundit

Ekonomi

MF: Ja sa dëmshpërblime janë
dhënë për ish të përndjekurit politik

Ministria e Financave, duke vlerësuar interesimin e mediave dhe të aktorëve të tjerë politikë e shoqërore lidhur me dëmshpërblimet e ish të përndjekurve politikë në vite, iu bën të njohur këtë informacion:Përgjatë 8 viteve të qeverisjes së shkuar, nga miratimi i ligjit në vitin 2007 deri 2013 janë paguar rreth 13.000 dosje me një shumë rreth 10 miliardë lekësh. Me këtë shumë është paguar kësti i parë dhe një pjesë e këstit të dytë për përfituesit apo për ish të dënuarit të cilët janë gjallë.
TIRANË - Ministria e Financave, duke vlerësuar interesimin e mediave dhe të aktorëve të tjerë politikë e shoqërore lidhur me dëmshpërblimet e ish të përndjekurve politikë në vite, iu bën të njohur këtë informacion:

Përgjatë 8 viteve të qeverisjes së shkuar, nga miratimi i ligjit në vitin 2007 deri 2013 janë paguar rreth 13.000 dosje me një shumë rreth 10 miliardë lekësh. Me këtë shumë është paguar kësti i parë dhe një pjesë e këstit të dytë për përfituesit apo për ish të dënuarit të cilët janë gjallë.

Gjatë vitit 2014 Ministria e Financave, në bashkëpunim me Ministrinë e Mirëqenies Sociale dhe Rinisë, si dhe Ministrinë e Drejtësisë, pas disa ndryshimeve të rëndësishme ligjore, i ndau në dy kategori ish të përndjekurit politikë. Kështu kategoria e parë u cilësua si kategoria parësore. Në këtë kategori u vlerësuan “gra, ish të dënuara që jetojnë në momentin e pagesës”. Në vijim, në kategorinë e dytë me prioritet, u vlerësuan “persona ish të dënuar mbi 75 vjeç në datën e hyrjes në fuqi të ligjit që vazhdojnë të jenë gjallë”, në kategorinë e tretë me prioritet, “persona ish të dënuar politik të gjallë që vuajnë nga sëmundje të rënda”, në kategorinë e katërt me prioritet, “persona ish të dënuar, që janë gjallë, të cilët pavarësisht moshës, në momentin e pagesës kanë fëmijë të mitur nën moshën 18 vjeç”, në kategorinë e pestë me prioritet, “persona ish të dënuar që nuk jetojnë, por në momentin e pagesës kanë trashëgimtarë të rradhës së parë në moshë të mitur nën 18 vjeç”, si dhe në kategorinë e gjashtë me prioritet, “persona ish të dënuar që janë gjallë dhe në momentin e pagesës nuk kanë mbushur 75 vjeç”

Ky ndryshim në ligj ndodhi për t’ i ardhur në ndihmë ish të dënuarve, të cilët jetojnë dhe që ata të marrin dëmshpërblimin e tyre në një kohë më të shkrutër.
Në vitin 2013, me fillimin e punës së qeverisë së re, pra nga shtatori 2013 e deri në fund të vitit 2013, Ministria e Financave identifikoi se nuk kishte më asnjë fond të për të shpërndarë pasi i gjithë fondi ishtë harxhuar për fushatë elektorale.

Gjatë viteve 2014 dhe 2015 janë paguar rreth 4 500 dosje ose 7 134 persona, me vlerë 1.796.403.108 lekë (2014) dhe 1.250.211.100 lekë (vetëm në 5 mujorin e parë të vitit 2015), ndërkohë që mbetet për t’u disbursuar shuma prej 749.788.900 lekë deri në fund të këtij viti.

Gjithashtu, duhet theksuar fakti që shumica e tyre kanë përfituar edhe 3 këste brenda një periudhe kohore më pak se 1 vit.

Duke krahasuar buxhetin për çdo vit, rezulton se gjatë qeverisjes së shkuar janë shpenzuar gjithsej 1.200.000.000 lekë, ndërsa vetëm në dy vitet e kësaj qeverisje llogaritet të shpenzohen 1.900 000.000 lekë mesatarisht për vit.

Nga këto, për të dyja vitet buxhetore, sipas kategorive të ligjit janë harxhuar :
- Kategori parësore kësti i II-të 218 dosje me shumën 64.147.418 lekë.
- Kategori parësore kësti i III-të 2 500 dosje me shumën 1.178.143.160 lekë.
- Kategoria parësore kësti i IV-të 2 173 dosje me shumën 1.048.280.934 lekë.
- Kategoria parësore kësti i V-të 615 dosje me shumën 332.346.205 lekë
- Kategoria jo parësore kësti i I-rë 2 576 përfitues me shumën 424.276.278 lekë.

Ministria e Financave, nëpërmjet ri-organizimit të drejtorisë përkatëse, ndryshoi mënyrën e komunikimit me çdo të interesuar. Në vitet e kaluara përfituesit, të vetmen mënyrë komunikimi, kanë patur ardhjen nëpër zyrë për t’u interesuar, ndërsa gjatë viteve 2014 dhe 2015 janë publikuar në website të ministrisë informacionet për çdo dosje, të cilat kanë mangësi në dokumentacion, duke treguar edhe mangësitë reale.

Ministria e Financave do të vijojë të informojë në mënyrë ligjore, periodike dhe të hollësishme, të dhënat financiare që lidhen me këtë kategori demshpërblimesh, jo vetëm për të realizuar angazhimin e saj për transparencë të plotë ligjore, por sidomos për t’iu ardhur në ndihmë në mënyrë të drejtpërdrejtë dhe të shpejtë kategorisë së sipërpërmendur.
 
Redaksia Online
(a.h/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Serbi/ Studentët u rikthehen protestave në Beograd, bllokojnë pikat kryesore të qarkullimit në kryeqytet

Serbi/ Studentët u rikthehen protestave në Beograd, bllokojnë pikat kryesore të qarkullimit në kryeqytet

10 Janar, 17:38