Kombëtarja shqiptare udhëtoi këtë të mërkurë (19 mars) drejt Londrës në kuadër të ndeshjes së parë kualifikuese për Kupën e Botës ndaj Anglisë, që luhet të premten më 21 mars në “Wembley”, në orën 20:45.
Me skuadrën kanë udhëtuar të gjithë lojtarët e grumbulluar, megjithatë Ardian Ismajli nuk ia ka dalë të jetë gati për shkak dëmtimi dhe ndeshjen do e shijojë nga tribuna. Sipas medieve në ishull, 20 mijë shqiptarë do jenë në stadium, paçka se numri i lejuar për tanët ka qenë vetëm 5600.
Me të mbërritur në Londër, kuqezinjtë u akomoduan menjëherë në hotel. Sot Kombëtarja do të mbyllë përgatitjet për ndeshjen ndaj Anglisë.
Kuqezinjtë do të zhvillojnë seancën zyrtare stërvitore në orën 19:00 në “Wembley”, ndërkohë që para seancës stërvitore trajneri Sylvinho dhe një lojtar do të jenë në konferencën zyrtare për shtyp, në orën 18:15.
Formacioni i mundshëm:
Shqipëria (4-2-3-1): Strakosha; Balliu, Ajeti (Kumbulla), Gjimshiti, Aliji; Asllani, Ramadani; Asani, Laçi, Bajrami; Manaj (Uzuni) Trajner: Sylvinho
Besojeni ose jo, afro 20 mijë do jetë numri i tifozëve të Kombëtares të pranishëm në "Wembley" mbrëmjen e së premtes, kur kuqezinjtë e Sylvinhos përballen me Anglinë në Londër.
Mediet në ishull raportojnë se shqiptarët ia kanë dalë të blejnë një numër të madh biletash, duke qenë se shumë prej tyre janë rezident në Angli dhe aksesi online ishte për këdo.
Paçka se numri i tifozëve shqiptarë të lejuar ka qenë diku te 5600, fakt është se tribunat do jenë kuqezi. 90 mijë ulëse është kapaciteti i stadiumit, teksa 'Shqiponjat' do kenë 20 mijë zemra në shkallët e tij.
Ardian Ismajli nuk do jetë i gatshëm për trajnerin Sylvinho, të paktën në ndeshjen e parë të Kombëtares. Kuqezinjtë luajnë të premte në orën 20:45 në Londër kundër Anglisë, sfidë e vlefshme për Grupin K të kualifikueseve të Kupës së Botës 2026.
Kapiteni i Empolit ka disa javë që nuk është aktivizuar në Serie A, por paçka kësaj trajneri Sylvinho e grumbulloi në ekip. Mbrojtësi ndjeu shqetësime në stërvitjen e së martës pasdite dhe kontrollet kanë konfirmuar se të paktën kundër Anglisë ai do qëndrojë në tribunë, edhe pse udhëtoi me ekipin. Shpresat janë që Ismajli të jetë gati për ndeshjen kundër Andorrës, më 24 mars në Tiranë.
Në mëdyshje është edhe Marash Kumbulla, po për probleme fizike. Duket se krah Gjimshitit në prapavijën e tanëve do jetë Ajeti.
Komente
Lajme të tjera
-
VIDEO/ Sherr, karton i kuq dhe supergol! Argjentina mposht 0-1 Uruguain, një pikë e kualifikon në Botërorin 2026
22 Mars, 10:31 -
VIDEO/ Humbja me Anglinë, Sylvinho pas ndeshjes: Flas me Wengerin kur kam probleme, besoja te barazimi
22 Mars, 09:54 -
Kombëtarja U-21/ Shqipëria barazon 0-0 në Greqi
21 Mars, 18:19 -
Botërori 2026/ Kombëtarja 'fut ujë' në mbrojtje, Anglia mposht 2-0 Shqipërinë në 'Wembley'! Historia përsëritet për 'Tre Luanët'
21 Mars, 15:59
-
Diaspora/ Balla në Londër me sipërmarrës shqiptarë: Bisedime me kryeministrin Starmer për emigracionin e ligjshëm, lehtësimin e vizave të punës dhe turistike
21 Mars, 15:38 -
Ish-trajneri i njohur britanik fyen Shqipërinë, e quan ‘rival të kotë’: As kam ndërmend ta shoh ndeshjen. Çfarë të shoh, si do fitojmë 5-0?
21 Mars, 13:57 -
Sot Angli-Shqipëri/ Ëndrra e Botërorit nis nga mitiku ‘Wembley’! Priten 20 mijë shqiptarë në stadium, Kombëtarja vetëm humbje me ‘Tre Luanët’
21 Mars, 10:20
-
Londër/ Zjarr në Heathrow, mbyllet aeroporti, mbi 1300 fluturime të anuluara! Dyshohet sabotazh rus (VIDEO)
21 Mars, 07:30 -
Kombëtarja zhvillon stërvitjen gjenerale në Londër, Sylvinho: Anglinë s’e përballojmë dot ‘kokë më kokë’, jemi përgatitur! Gjimshiti: Ëndërr kemi Botërorin
20 Mars, 18:13 -
Kombëtarja luan në 'Wembley', Thomas Tuchel: Shqipëria më nervozon në debutim, mos kemi frikën e humbjes
20 Mars, 15:19 -
Japonia, skuadra e parë që kualifikohet në Kupën e Botës 2026
20 Mars, 14:57 -
Përballja me Anglinë, Nevil Dede për Report TV: Të mbrojmë, rezultati në plan të dytë
20 Mars, 12:51
