POP 5

Lajmet më të lexuara të 5 minutave të fundit

Kultura

 “Mik Festival, Inva Mula zbulon surprizat e 4 netëve, çon në Korçë miqtë e saj artistë nga Europa

Festivali i Muzikës Internacionale mbrëmjen e të enjtes çeli siparin e netëve të aktivitetit kulturor, në teatrin “Andon Zako Çajupi” të Korçës. Në këtë edicion të katërt, do të vihen në skenë interpretime dhe muzikë e zgjedhur nga artistë vendas, por edhe të huaj.

KORÇË-Nata e parë e Mik Festival,  në teatrin 'Andon Zako Çajupi' të qytetit te Korçës,  u çel me muzikën gjermane nën interpretimin e Elda Laro në piano, në violinë, Magdalena Heinz dhe Andre Robles, për të vijuar me pas me tingujt e muzikës kubane, tek sheshi i pazarit të vjetër.

“Me shumë emocione. E kam vërtet të vështirë sa herë kthehem në Shqipëri. Jan emocione komplet të tjera.  E ndjej veten me përgjegjësi”, tha pianistja, Elda Laro.

Për 4 net me radhë, festivali do të ndalet në pika dhe atraksione interesante të juglindjes, ku do të sjellë ritëm, interpretim dhe muzikë të zgjedhur nga artistët pjesëmarrës, jo vetëm vendas, por edhe të huaj.

Sopranoja me fame botërore Inva Mula,njëherazi edhe drejtore artistike e këtij festivali, zbulon disa nga surprizat e këtij viti.

“Ky edicion i katërt shpaloset me ngjyra të ndryshme, shtete të ndryshme, zhanër të ndryshme. E nisim me muzikën e vjetër gjermane, kubane. Për të ardhur përpara katedrales me muzikën greke dhe për të kulmuar fundin e festivalit me grupin e Olen Cezarit të ardhur nga Italia”, tregoi sopranoja, Inva Mula.

Mik Festival, i cili është në edicionin e tij të katërt, do të përmbyllet ne një koncert në mes të liqenit të Prespës, tek ishulli Maligrad.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Pas ndarjes, shqiptari në Itali tenton të shtypë me makinë ish-partneren

Pas ndarjes, shqiptari në Itali tenton të shtypë me makinë ish-partneren

24 Janar, 18:09