Miley Cyrus është shtatzanë?

Që pas fejesës me Liam Hemsworth vëmendja mediatike ndaj aktores dhe këngëtares Miley Cyrus duket të jetë shtuar. Pas fotove kompromentuese ku ajo shfaqej në pishinë së bashku me një mikun e saj, mediat kanë publikuar se ajo është shtatzanë.

Sipas tyre kjo ka qenë arsyeja që Miley dhe Liam kanë vendosur të fejohen. Megjithatë e ëma e këngëtares e ka mohuar një fakt të tillë në rrjetin social Twitter. “Është pikëlluese kur tabloidet fabrikojnë lajme që të shesin sa më shumë.

Pse nuk i lënë të qetë që thjesht të jenë të lumtur. Shumë pikëlluese. Kjo do të duhej të ishte koha më e lumtur e jetëve të tyre dhe jam e hidhëruar që e shfrytëzojnë atë për të shitur sa më shumë revista”, - është shprehur e ëma e këngëtares dhe aktores.

Miley Cyrus dhe Liam Hemsworth kanë vetëm dy javë që kanë shpallur fejesën e tyre.

(xh.k/shqiptarja.com)