Milionat e Genc Rulit, ja si po i 
shumëfishon paratë ish-ministri
 

Në kuadër të publikimit të pasurive të pushtetarëve për vitin 2015, Shqiptarja.com zbardh deklaratat e pasurisë të ish-ministrave të qeverisë “Berisha”. Genc Ruli, ish- ministër i Ekonomisë dhe Bujqësisë në dy mandatet e fundit të qeverisë “Berisha”, po i shton të ardhurat me anë të investimit të shumave të ndryshme në bono thesari dhe obligacione.

Sipas deklaratës së pasurisë, dorëzuar pranë ILDKP, Genc Ruli ka investuar 50 milionë lekë të vjetra në bono thesari, duke përfituar për vitin 2015, 145 796 lekë. Ruli deklaron se bashkëshortja e tij ka përfituar 2 529 euro interesa të llogaritura nga investimi në obligacione dy vjeçare, ku depozitimi është 85 mijë euro. Ndërkaq, nga një depozitë 65 mijë euro, Ruli thotë se ka marrë 450 euro.