Ministeriali i NATO-s, Ministrja e Jashtme: Ballkani Perëndimor të përfshihet në konceptin strategjik të Aleancës! Sinjal kundër fuqive që kërkojnë sabotimin e  integrimit

Ministeriali i NATO-s, Ministrja e Jashtme: Ballkani Perëndimor të përfshihet në konceptin strategjik të Aleancës! Sinjal kundër fuqive që kërkojnë sabotimin e  integrimit

Foto nga takimi

Ministrja e Punëve të Jashtme, Olta Xhaçka ka bërë thirrje që Ballkani Perëndimor të jetë në fokus të Konceptit Strategjik të NATO-s. E pranishme në takimin e Këshillit të Atlantikut të Veriut që po zhvillohet në Riga të Letonisë, Xhaçka u shpreh se përfshirja e Ballkanit Perëndimor në Konceptin Strategjik 2022 do të çonte sinjale të forta kundër atyre që kanë si qëllim sabotimin e integrimit euroatlantik.

“Rajoni i detyrohet shumë ndërhyrjes së NATO. Por sot ka ardhur koha që të shkohet një hap më përpara duke e përfshirë Ballkanin Perëndimor në Konceptin Strategjik 2022,  duke çuar njëkohësisht një sinjal të fortë kundër të gjithë atyre fuqive që po përpiqen të sabotojnë integrimin euroatlantik, duke nxitur dasi e destabilitet përmes taktikave hibride", tha Xhaçka.

Në këtë takim, ku i pranishëm ishte edhe Sekretari amerikan i Shtetit, Anthony Blinken dhe Sekretarti i Përgjithshëm i NATO-s, Jens Stoltenberg, u diskutua për çështje me rëndësi për sigurinë euroatlantike, ku u bë një vlerësim i mjedisit të sigurisë, përfshirë situatën në kufijtë e Polonisë, Lituanisë, Letonisë me Bjellorusinë.

Vizita e Ministres Xhaçka në Letoni, vjen pas Forumit të Gjashtë të Unionit të Mesdheut që u mbajt në Barcelonë, në fillim të kësaj jave.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    PS pritet të rikandidojë shumicën e kryebashkiakëve aktualë, si mendoni?



×

Lajmi i fundit

Sulmuesi i Manchester United/ Mason Greenwood pranë martesës me vajzën që e akuzoi për përdhunim

Sulmuesi i Manchester United/ Mason Greenwood pranë martesës me vajzën që e akuzoi për përdhunim