Tiranë, 8 nëntor - Ministri i Ekonomisë, Kulturës dhe Inovacionit, Blendi Gonxhja, zhvilloi sot një vizitë inspektuese në Muzeun e Arteve të Bukura, ku po vazhdojnë intensivisht punimet për zgjerimin dhe përmirësimin e infrastrukturës së këtij institucioni të rëndësishëm kulturor. Gjatë vizitës, Ministri u njoh me ecurinë e projektit, që ka për qëllim modernizimin e muzeut, duke i ofruar vizitorëve dhe artistëve kushte më të mira për ekspozita dhe ruajtjen e veprave të artit.
Hapësira të reja për ekspozita dhe veprat e artit
Një nga përparësitë e projektit është dyfishimi i hapësirave të ekspozimit, duke krijuar më shumë hapësirë për ekspozita të ndryshme dhe koleksione të veprave të artit. Po ashtu, është shtuar një sallë biblioteke dhe hapësira e ruajtjes së veprave është rritur 10 herë, për të mundësuar mbrojtje dhe ruajtje të sigurt të veprave të çmuara. Me anë të një planifikimi të kujdesshëm, do të krijohen hapësira të veçanta koleksionimi për skulpturë, pikturë, grafika, qeramikë dhe forma të tjera të artit pamor, duke u mundësuar artistëve dhe kuratorëve një hapësirë më të përshtatshme për ekspozita të ndryshme.
Investimi i ri parashikon një laborator restaurimi me akses të drejtpërdrejtë nga ashensorët për veprat me përmasa të mëdha, një mundësi e re për ruajtjen dhe restaurimin e veprave të rëndësishme që kërkojnë kujdes të veçantë.
Përmirësime dhe siguri për vizitorët
Ministri Gonxhja theksoi se një tjetër përmirësim i rëndësishëm është dyfishimi i hyrjeve: një hyrje kryesore nga pedonalja dhe një tjetër për evente të veçanta, duke lehtësuar qasjen dhe mundësuar zhvillimin e aktiviteteve të shumta kulturore. Gjatë inspektimit, u theksua se janë marrë masa për të përmirësuar sistemin e sigurisë, përfshirë një sistem të avancuar kamerash dhe mbrojtje kundër zjarrit. Gjithashtu, janë shtuar shkallët e emergjencës dhe janë krijuar kushte për akses të plotë për personat me aftësi të kufizuara, për të garantuar që muzeu të jetë një hapësirë e aksesueshme për të gjithë.
Një nga aspektet më të rëndësishme të përmirësimeve është instalimi i sistemit HVAC, i cili do të sigurojë një temperaturë konstante për ruajtjen e veprave të artit dhe për një ambient të këndshëm për vizitorët. Po ashtu, ndriçimi i dedikuar për çdo lloj ekspozimi do të mundësojë që çdo vepër arti të paraqitet në mënyrën më të mirë të mundshme.
Gonxhja vlerësoi përpjekjet për modernizimin e Muzeut të Arteve të Bukura, duke nënvizuar rëndësinë e tij për ruajtjen dhe promovimin e trashëgimisë kulturore.
“Ky projekt do të krijojë mundësi të reja për zhvillimin e artit dhe kulturës në Shqipëri, duke i ofruar artdashësve dhe vizitorëve kushte më të mira për të shijuar dhe mësuar mbi trashëgiminë tonë kulturore. Modernizimi i muzeut është një investim i drejtuar drejt rritjes së cilësisë dhe qasjes për artin shqiptar”, tha Ministri Gonxhja.
Gjithashtu, ai theksoi ngritjen e grupeve të punës për linjën muzeale dhe për planin e menaxhimit të Muzeut.
Ky projekt është pjesë e angazhimeve të vazhdueshme të qeverisë për të zhvilluar sektorin e kulturës dhe për të kontribuar në rritjen e turizmit kulturor dhe edukimit artistik në Shqipëri. Me përfundimin e punimeve, Muzeu i Arteve të Bukura do të ofrojë një hapësirë moderne dhe bashkëkohore për artistët, kuratorët dhe vizitorët, duke shërbyer si një qendër e rëndësishme kulturore për kryeqytetin dhe për të gjithë Shqipërinë.
Komente
Lajme të tjera
-
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Vrasja e Klaudio Prendit/ Ishte në kafe me 3 policë, njëri ndoqi mjetin e autorëve pas ekzekutimit! Vrasësit me 'Audi A4' vëzhguan zonën para krimit
22 Nëntor, 10:47 -
Vrasja e Martinit, 'arrest me burg' 14 vjeçarit, gjyqi mbahet në spital! I mituri s'tregon ku fshehu thikën: S'mbaj mend çfarë ndodhi! Hetohet kush e ndihmoi
22 Nëntor, 09:36
E rëndësishme dhe e pa lejueshme është koha e gjatë me vite që duhet për kryerjen e këtyre punimeve,shikoni TEATRIN E KUKULLAVE sa vjet ka i rrethuar...
Përgjigju