POP 5

Lajmet më të lexuara të 5 minutave të fundit

Bota

Ministri britanik i Drejtësisë: Ka nisur transferimi i të burgosurve shqiptarë

Ministri i Drejtësisë në Britaninë e Madhe, Alex Chalk deklaron se ka pranuar nisjen e transferimit të të burgosurve shqiptarë nga burgjet angleze drejt atyre shqiptare. Sipas tij janë 200 kriminelë shqiptarë, por i pasi që do të transferohet është një trafikant kokaine i dënuar me 17 vjet burg.

Vjedhësit e huaj të dyqaneve, hajdutët dhe trafikantët e drogës do të depërtohen dhe nuk do të procedohen penalisht, u shpreh ministri i Drejtësisë së Britanisë së Madhe, Alex Chalk për The Telegraph. Kjo është një pjesë e planit të qeverisë britanike për të liruar vendet në burgje.

Në këto kushte, shton ministri ata do të largohen nga Britania dhe nuk do të lejohen të kthehen më. Për këtë plan është emëruar ministri Chris Philip për të zbatuar skemën e deportimit, e cila ka si qëllim reduktimin e 3300 vendeve në burgje të zëna nga të huajt. Kjo shifër përbën 1/3 e të huajve në burgjet e Britanisë. Nga 88 mijë të burgosur në Angli dhe Uells, 10 441 prej tyre janë të huaj.

“Unë do të bëj çfarë është e mundur për të mbajtur britanikët të sigurtë”, thotë ministri Chalk. Ai tashmë ka nënshkruar një marrëveshje me Shqipërinë për të transferuar 200 kriminelë të rrezikshëm që po kryejnë 4 ose më shumë vite dënimi në burgjet britanike dhe tani pritet të kthehen në vendin tonë.

Shqiptarët llogariten rreth 13% të numrit të të burgosurve të huaj në burgjet e Mbretërisë së Bashkuar, përqindja më e lartë, me rreth 1323 për momentin. I deportuari i parë, zbulon Chalk, është një trafikant droge i dënuar me 17 vite burg.

Gjatë takimit dypalësh mes kryeministrit Rama dhe Rishi Sunak në mars 2023 ata ranë dakord që një ekip i përbashkët mes Britanisë së Madhe dhe Shqipërisë do të kryejë një vlerësim të kapaciteteve të burgjeve të Shqipërisë, një proces që do të përfundonte deri në fund të prillit, me qëllim kthimin e të gjithë shtetasve të përcaktuar shqiptarë në sistemin e burgjeve të Mbretërisë së Bashkuar.

G.K/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça