Ministri i Mbrojtjes Niko Peleshi mori pjesë në Ministerialin e Bashkëpunimit të Mbrojtjes të Europës Qendrore dhe Ballkanit Perëndimor, që u kryesua nga presidenca hungareze, në Budapest.
Në fjalën e mirëseardhjes, Ministri i Mbrojtjes i Hungarisë, Z. Kristóf Szalay-Bobrovniczky vlerësoi kontributin e iniciativës së CEDC në forcimin e bashkëpunimit rajonal në fushën e mbrojtjes dhe sigurisë, duke theksuar se vendet e Evropës Qendrore e kanë në fokusin e tyre Ballkanin Perëndimor dhe për këtë ky rajon ka qenë dhe mbetet një nga prioritetet kryesore të iniciativës CEDC.
Nga ana e tij, Ministri Peleshi u shprehu mirënjohjen vendeve të CEDC për fokusin dhe vëmendjen që I kushtojnë Ballkanit Perëndimor, duke vënë theksin te përfshirja e 6 vendeve të Ballkanit Perëndimor e njëherësh duke vlerësuar maksimalisht përfshirjen e Kosovës në këtë nismë.
Ministri i Mbrojtjes z. Peleshi, rikonfirmoi angazhimin e Ministrisë së Mbrojtjes në çdo bashkëpunim rajonal/ndërkombëtar që ka si qëllim përballimin e sfidave të kohës, rritjen e ndërveprimit në fushën e sigurisë dhe mbrojtjes si dhe sigurimin e paqes dhe stabilitetit.
Më tej Ministri Peleshi evidentoi sfidat, me të cilat po përballet rajoni ynë, që nga pasojat e luftës në Ukrainë, influencat e huaja me qëllim destabilizimin e Ballkanit Perëndimor, duke përmendur veçanërisht situatën e tensionuar në veri të Kosovës pak kohë më parë. Ministri Peleshi theksoi se:, “Dialogu ndërmjet Serbisë dhe Kosovës, aq fort i promovuar dhe kërkuar nga Bashkimi Evropian dhe Shtetet e Bashkuara është e vetmja zgjidhje për moscenimin e integritetit dhe paqes në rajon”
Ministri Peleshi theksoi se Ministria e Mbrojtjes e Shqipërisë do të vijojë të jetë një nga kontribuueset më të mëdha të bashkëpunimit rajonal, të promovimit të fqinjësisë së mirë, të mbështetjes së parimit të pranimit të njëri-tjetrit dhe gjithëpërfshirjes, të ruajtjes së paqes dhe sigurisë në rajon dhe më gjerë.
Gjatë këtij takimi u prezantuan dhe prioritetet si dhe kalendari i aktiviteteve që do të zhvillohen gjatë kryesimit hungarez të CEDC.
Iniciativa CEDC, por dhe formati në kuadër të saj dedikuar Ballkanit Perëndimor ka forcuar bashkëpunimin dhe koordinimin midis shteteve të Evropës Qendrore dhe Ballkanit Perëndimor.
Lajme të tjera
-
Michel: Ballkani Perëndimor duhet të futet sa më parë në BE
29 Prill, 20:49 -
Rijetëzimi i industrisë ushtarake, Peleshi: NATO na hartoi raport për gjendjen e uzinave! Interes nga investitorë, do jemi aksionerë! Ndryshime edhe në ligj
18 Prill, 11:53 -
Rijetëzimi i industrisë ushtarake, Peleshi: Interes nga investitorë të huaj, ka pasur inspektime! Ish-punonjësit e Poliçanit do marrin pagat e prapambetura
17 Prill, 12:55 -
Emrat e rinj të ambasadorëve dhe të emisarëve të BE-së në Ballkanin Perëndimor
15 Prill, 08:16 -
Ceremoni në Bruksel për 15-vjetorin e anëtarësimit në NATO, Peleshi: Të palëkundur në mbështetjen ndaj Aleancës
13 Prill, 14:44 -
75 vjet NATO, Begaj: Pa aleancën, siguria globale e paimagjinueshme! Peleshi: Shqipëria e përkushtuar për stabilitetin në rajon
4 Prill, 09:23 -
Çelet Qendra e Inovacionit, Sigurisë dhe Mbrojtjes, Rama: Brenda 2030 eksporte ushtarake 'Made in Albania'
3 Prill, 15:29 -
75 vjet NATO, Ministria e Mbrojtjes: Shqipëria në krah të aleatëve! Forca Tokësore ceremoni madhështore më 9 prill
3 Prill, 12:04 -
Fjalimi Urbi et Orbi i Papa Françeskut: Të mos lejojmë erërat e luftës të fryjnë në Evropë e Mesdhe! Paqja s'bëhet me armë! Mesazh dhe për Ballkanin Perëndimor
31 Mars, 12:48 -
Anija shqiptare kap gomonen me 24 emigrantë në Detin Egje! Pjesë e monitorimit të ujërave detare në kuadër të NATO-s
31 Mars, 12:01 -
Bujar Osmani: Ambiciet imperialiste të Rusisë mund të shtrihen në Ballkan
27 Mars, 15:43 -
Shqipëria udhëheq Brigadën e Evropës Juglindore, gjeneral brigade Bilbil Bitri: Kontribuues të paqes e sigurisë në rajon e përtej tij
26 Mars, 12:45
