POP 5

Lajmet më të lexuara të 5 minutave të fundit

Arkiva

Ministri turk paralajmëron SHBA:
Marrëdhëniet në pikë shumë kritike

Duke kritikuar lidhjet e SHBA-ve me organizatën terroriste YPG/PKK në Siri, krahun e armatosur të PYD/PKK-së, shefi i diplomacisë turke tha: "SHBA-të nuk po prekin anëtarët e DEASH-it në Siri në mënyrë që të vazhdojnë të punojnë me grupin terrorist YPG/PKK".
Ministri i Jashtëm i Turqisë, Mevlüt Çavuşoğlu, paralajmëroi se marrëdhëniet e Turqisë me Shtetet e Bashkuara të Amerikës janë afër prishjes për shkak të mbështetjes amerikane ndaj organizatës terroriste YPG/PKK në Siri, raporton Anadolu Agency (AA).

"Marrëdhëniet tona (me SHBA) janë në një pikë shumë kritike. Ose do t'i përmirësojmë marrëdhëniet, ose ato do të prishen tërësisht", tha Çavuşoğlu para gazetarëve në Stamboll, pas një takimi ministror turko-afrikan. "Ne duam hapa konkretë (nga SHBA). Besimi i humbur duhet të rikthehet. Shkaku për këtë besim të humbur janë SHBA-të", tha ai.

Duke kritikuar lidhjet e SHBA-ve me organizatën terroriste YPG/PKK në Siri, krahun e armatosur të PYD/PKK-së, shefi i diplomacisë turke tha: "SHBA-të nuk po prekin anëtarët e DEASH-it në Siri në mënyrë që të vazhdojnë të punojnë me grupin terrorist YPG/PKK".

SHBA-të kanë mbështetur prej kohësh PYD/PKK-në si një "aleat të besueshëm" në luftën e saj kundër DEASH-it edhe përkundër kundërshtimeve të Ankarasë, e cila ka dokumentuar se ajo është dega siriane e organizatës terroriste PKK.

PKK cilësohet si organizatë terroriste nga SHBA-të, BE-ja dhe Turqia. Ndryshe, më 20 janar, Turqia nisi Operacionin "Dega e Ullirit" për të larguar terroristët e PYD/PKK-së dhe DEASH-it nga Afrini në veri të Sirisë. Operacioni synon të krijojë siguri dhe stabilitet përgjatë kufijve të Turqisë dhe rajonit si dhe të mbrojë popullin sirian nga shtypja dhe mizoria e terroristëve, ka njoftuar Shtatmadhoria e Turqisë.

Sipas shtatmadhorisë, operacioni zhvillohet në kuadër të së drejtës së Turqisë bazuar në të drejtën ndërkombëtare, rezolutat e Këshillit të Sigurimit të OKB-së, të drejtat e vetëmbrojtjes sipas kartës së OKB-së dhe duke respektuar integritetin territorial të Sirisë. 

Ushtria gjithashtu ka thënë se "rëndësi të madhe" është duke i dhënë të mos dëmtohet asnjë civil dhe se janë duke i shkatërruar vetëm objektivat terroriste. Afrini ka qenë strehë e madhe për organizatën terroriste PYD/PKK që nga korriku i vitit 2012, kur regjimi i Asadit në Siri ia la qytetin organizatës terroriste pa luftë.

d.c./shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27