Ministri ukrainas i Mbrojtjes: Putin dëshrion të mbajë peng botën e lirë dhe të ringjallë Bashkimin Sovjetik! Tregoi fytyrën e tij të vërtet

Ministri i Mbrojtjes së Ukrainës, Oleksii Reznikov tha të martën se presidenti rus Vladimir Putin "ka treguar fytyrën e tij të vërtetë", duke e akuzuar atë se donte "të mbante peng botën e lirë".

Në një deklaratë drejtuar d anëtarëve të forcave të armatosura të Ukrainës, Reznikov tha se "Kremlini ka bërë një hap tjetër drejt ringjalljes së Bashkimit Sovjetik".

“Errësira e pasigurisë ka rënë. Atë që ju e dini për tetë vjet, e gjithë bota e ka parë tani”, tha ai në deklaratën e postuar në faqen e internetit të ministrisë.

LEXO EDHE:
Dy herë kampion Evrope, peshëngritësi ukrainas vdes nga sulmet ruse në moshën 30-vjeçare

Reznikov akuzoi presidentin rus për "një luftë të ndyrë gjatë gjithë këtyre viteve, duke u fshehur pas grave dhe fëmijëve".

Putin mbajti një fjalim të gjatë televiziv të hënën në mbrëmje, duke njoftuar vendimin e tij për të njohur pavarësinë e pjesëve të kontrolluara nga separatistët në Ukrainën lindore dhe duke urdhëruar dërgimin e forcave ruse.

Ministria e Jashtme e Ukrainës tha të hënën se duke njohur "kuazi-entitetet që kishte krijuar" në Donetsk dhe Luhansk, Rusia "ka kundërshtuar në mënyrë flagrante normat dhe parimet themelore të së drejtës ndërkombëtare".

Ministria tha se Rusia kishte "shkelur sovranitetin dhe integritetin territorial të Ukrainës brenda kufijve të saj të njohur ndërkombëtarisht" dhe i kërkoi komunitetit ndërkombëtar të zbatojë sanksione.

Deklarata gjithashtu i kërkoi Perëndimit të ushtrojë presion të madh financiar ndaj Rusisë për të parandaluar agresionin e mëtejshëm.

Lajmi kryesor:

Putin urdhëroi ushtrinë të avancojë, të gjithë me sytë nga Ukraina! Perëndimi ‘grusht’ kundër Rusisë: Shpalle luftë, tërhiq vendimin! Kievi: 10 mijë trupa tashmë në territorin tonë

J.GJ./Shqiptarja.com

TAG:
• Oleksii Reznikov
• kriza ukraine-rusi
• ukraine
• Rusi
• vladimir putin