Shoqata “Albautor” që mbron të drejtat e autorëve shqiptarë, është përfshirë në një skandal të dukshëm, ku jo vetëm ish-drejtori ekzekutiv i shoqatës “Albautor” Idar Bistri eshte akuzuar se ka vjedhur 35 mijë euro dhe ka shitur zyrën e shoqatës, por rezulton se kjo OJF ka vijuar të ushtrojë aktivitetin e saj, edhe pse me një vendim të gjykatës së Apelit Tiranë keshilli drejtues i kesaj shoqatë është shpërbërë. Njëherësh kjo shoqatë tre javë pasi keshilli drejtues ishte shpërbërë nga gjykata, ka marrë nga Ministria e Kulturës drejtimin e sportelit unik “Suada” për administrimin e së drejtës së autorit, dhe emërimin në krye të sportelit Erlir Puton si drejtor ekzekutiv i “Albautor”, funksion qe gjykata e apelit e ka cilesur si te paligjshem. Vendimi për shpërbërjen e keshill drejtues te Albautor dhe ribërjen e organeve administrative nga e para, është marë nga treshja e gjyqtarëve Maria Qirjazi, Fatri Islamaj dhe Asim Vokshi, të cilët në 28 maj 2018 kanë vendosur të pranojnë kërkesë padinë e ish-drejtorit ekzekutiv të shoqatës “Albautor” Idar Bistrit. Pavarëisht kësaj “Albautor” ka vijuar të ushtrojë aktivitet duke shkuar në biznese dhe vende të ndryshme dhe arkëtuar shuma financiare. Ndërkohë nga ana tjetër nuk ka bërë pagesa për artistët që janë aderuar pranë saj.
“Suada” është sporteli i ri unik i krijuar me ligjin e vitit 2016, i ngarkuar për të vjelur të drejtat e autorëve, interpretuesve dhe producentëve. Në datë 22 qershor 2018 Këshilli Kombëtar për të drejtat e autorit i ministrisë së Kulturës, me vendimin nr.3, pas një procedure të shpejtë, vendos të shkarkojë nga posti i përgjegjësit të “Suada”-s Zamir Sukniqin, përfaqësues i AMP, agjenci që përfaqëson të drejtat e producentëve dhe të emërojë në vend të tij Erlir Puton. AMP aderon edhe në IFPI, agjencinë më të madhe botërore të prodhuesve muzikorë, që përfaqëson 1.300 shoqëri prodhuese në 59 vende, duke përfshirë edhe kolosë të tillë si Sony Music, Universal apo Warner Music Group. IFPI është në vijë të parë të betejës botërore kundër piraterisë. Nëpërmjet këtij aderimi AMP raporton në këtë organizatë mbi ecurinë e saj, mbi të ardhurat e mbledhura dhe ato të shpërndarja, si edhe ka detyrimin të implementoj dhe zbatojë rekomandimet e kësaj organizate. AMP është e lidhur me IFPI edhe nëpërmjet Albatrade (një nga anëtarët themelues) qe ka një marrëdhënie me IFPI si anëtar me te drejta te plota. Në faqen zyrtare ëeb të IFPI-së, në listën e anëtareve të pranishëm në Shqipëri gjenden vetëm Albatrade dhe Supersonic, të dyja anëtare edhe të AMP. Të jesh anëtar i IFPI do të thotë automatikisht të përfaqësosh në vendin tënd të gjitha veprimet e të gjitha agjencive të producentëve që janë anëtarë të IFPI.
Më datë 11 qershor 2018, pra para vendimit mbi shkarkimin e Zamir Sukniqit, IFPI ka informuar edhe ministrinë e Kulturës se dëshironte të vazhdonte të punonte me AMP. Por sugjerimi i organizatës ndërkombetare u injorura. Por ajo që zbulohet tani, është qe emërimi i Erlir Putos në krye të sportelit unik si përfaqësues i Albautorit, vendosur, nga ministria e Kulturës më 22 qershor 2018 bie ndesh me një vendim të Gjykatës së Apelit të Tiranës të datës 28 maj 2018, pra 24 ditë para vendimit të ministrisë. Gjyqtarët, në fakt, kanë vendosur se Erlir Puto nuk është më përgjegjës i Albautor-it, pasi vendimi i Asamblesë që e kishte emëruar ishte anuluar, po ashtu si dhe i gjithë emërimi i Këshillit të Administrimit të shoqatës. Ka edhe më shume: jo vetëm emërimi i Erlir Putos në krye të sportelit unik bëhet i paligjshëm, por vendimi i Gjykatës ve në dyshim vetë ekzistencën e Albautor-it. Në fakt, sipas vendimit, organet administrative të “Albautor” duhet të krijohet nga e para duke u nisur nga ortakët themelues të vitit 1992 dhe konsiderohen pa vlerë të gjitha vendimet e marra nga Keshilli drejtues krijuar ne viti 2015, duke përfshirë këtu edhe aplikim per drejtimin nga Albautori te sportelit unik SUADA deri dhe aplikimi per te marre licence si agjenci. Praktikisht bie qe sot Suada, qe eshte nje organ shumë i rëndësishëm e parashikuar nga ligji i ri për të mbledhur të drejtat e autorëve shqiptarë, është drejtuar nga një strukturë pa organ drejtues.
( Kliko këtu ) vendimi i plotë i gjykatës
( Kliko këtu ) vendimi i plotë i gjykatës
( Kliko këtu ) kërkesa e plotë e këshillit Unik - SUADA për të drejtën e autorit
Lajme të tjera
-
Ulja e temperaturave, uji i ngrirë krijon kristale akulli në Dibër! Ngrica edhe në segmentin e Rrugës së Arbrit (VIDEO)
24 Nëntor, 11:37 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj (VIDEO)
24 Nëntor, 11:21 -
Vrasja e rabinit Zvi Kogan, Presidenti izraelit Herzog: Sulm frikacak antisemitik
24 Nëntor, 11:20 -
Vrasja e Martinit, nesër Burgjet vendosin ku do transferohet 14 vjeçari i arrestuar
24 Nëntor, 10:58
-
Vlorë/ Përdorues të telefonit dhe të dehur në timon, policia 'ndëshkon' shoferët, gjoba deri në 400 mijë lekë! 1 person në pranga
24 Nëntor, 10:57
-
'Pasdite në kopshtin e shtëpisë', 'Servili i Grave' dhe 'Hana, vajza që kapi diellin', tre librat e rinj në rubrikën 'Në librari'
24 Nëntor, 10:50
-
Tentoi të vriste 47 vjeçarin në Fier, arrestohet pas 3 vitesh
24 Nëntor, 10:39 -
Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë
24 Nëntor, 10:00 -
Tiranë/ Organizonin baste dhe lojëra fati, vihen në pranga 6 persona
24 Nëntor, 09:55 -
Gjendet trupi i rabinit të zhdukur Zvi Khogan, ministri izraelit i Mbrojtjes: Terrorizëm antisemitik
24 Nëntor, 09:30 -
'Ishin 2 autorë!' Vrasja e Martinit, flet babai i 14-vjeçarit të plagosur: Prindi i fëmijës bën mirë ta dorëzojë vetë! Djali im në intubim, ka 5 plagë në trup
24 Nëntor, 09:20
