Ministria e Kulturës u shkri në një me Inovacionin dhe Ekonominë, reagon Margariti: Krenare për gjithë sa bëmë e që do të vijohet

Ministria e Kulturës u shkri në një me Inovacionin dhe Ekonominë, reagon Margariti: Krenare për gjithë sa bëmë e që do të vijohet

Blendi Gonxhja dhe Elva Margariti

Ish-ministrja e Kulturës, Elva Margariti ka reaguar pas krijimit të ministrisë së re, asaj të Ekonomisë, Inovacionit dhe Kulturës që solli dhe largimin e saj nga detyra.

E ndërsa shkruan se sot mbyll misionin e saj 5-vjeçar në krye të Ministrisë Kulturës, në një postim në rrjetin social Facebook, Margariti e quan një rrugëtim të jashtëzakonshëm. Duke uruar edhe Blendi Gonxhen, i cili do të drejtojë Ministrinë e Ekonomisë, Inovacionit dhe Kulturës, Margariti nënvizon se ndihet krenare për gjithë sa është bërë dhe që do të vijojë nga pasardhësi.

"Sot përmbyll misionin tim 5-vjeçar në krye të Ministrisë Kulturës. Një rrugëtim i jashtëzakonshëm që më rriti si njeri dhe si profesioniste. I jam falenderuese kryeministrit Rama për besimin, kolegëve dhe bashkëpunëtorëve të shumtë, stafit të Ministrisë së Kulturës dhe kujtdo që na mbështeti në punën tonë, që e kemi bërë me shumë dashuri! Sot jam e nderuar që i kam shërbyer kulturës këto 5 vite; krenare për gjithë sa bëmë e do të vijohet nga pasardhësi; krenare për imazhin dhe jehonën e bukur që ka sot kultura shqiptare, si kurrë më parë! Suksese Ministrit Gonxhe në sfidën e re në krye të Ministrisë së Ekonomisë, Kulturës dhe Inovacionit", shkruan margariti.

Blendi Gonxhja u betua si Ministër i Ekonomisë, Kulturës dhe Inovacionit, këtë të martë në presidencë. Bashkë me të edhe Adea Pirdeni, si Ministre e Shtetit për Administratën Publike dhe Antikorrupsionin, ndërkohë që Ervin Mete do të drejtojë vetëm, Ministrinë e Financave, tashmë e shkëputur nga ekonomia.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 17/01/2024 03:37

    Ky kombinim ministrish eshte i papare ne bote! Kultura dhe turizmi shkojne me sportin;inovacioni shkon me teknologjine dhe arsimin dhe mund te krijonin nje ministri me vete,industrite e lehta e te renda dhe bujqesia mund te ishin nje tjeter ministri,ekonomi-financa jane dyshja e perjetshme,ose kujtuan se ishin deri diten qe Rame bojaxhiu mendoi se bashkimi i kultures ekonomise dhe inovacionit do te ule informalitetin ne dhomat e dhena me qera per turiste qe duan te shikojne zonat historike-turistike duke i shijuar me mire nga dritaret e haneve me 5 yje,pjelle e mendjes se /investitoreve strategjike qe do te /inovojne/ turizmin me harta e tyre dixhitale e shetitjet /virtuale/ neper thesaret shqiptare, ne mes shume inovacioneve te tjera qe priten!

    Përgjigju
  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?



×

Lajmi i fundit

Presidenti Biden tërhiqet nga gara: Çfarë ndodh tani?

Presidenti Biden tërhiqet nga gara: Çfarë ndodh tani?