POP 5

Lajmet më të lexuara të 5 minutave të fundit

Politikë

Ministria e Shëndetësisë: Rritje page për 20 mijë mjekë dhe infermierë duke nisur nga muaji korrik

Ministrja e Shëndetësisë dhe Mbrojtjes Sociale, Albana Koçiu ka zhvilluar sot një takim me mjekë të përgjithshëm të cilët kanë mirëpritur nismën e MSHMS-së dhe Fakultetit të Mjekësisë për specializimet në “Mjekë Familje” dhe “Mjekë Urgjence”

Ministria e Shëndetësisë: Rritje page për 20 mijë mjekë dhe infermierë duke nisur nga muaji korrik

Ministrja e Shëndetësisë dhe Mbrojtjes Sociale, Albana Koçiu ka zhvilluar sot një takim me mjekë të përgjithshëm të cilët kanë mirëpritur nismën e MSHMS-së dhe Fakultetit të Mjekësisë për specializimet në “Mjekë Familje” dhe “Mjekë Urgjence”.

Specializimet në këto dy drejtime prioritare synon të adresojë nevojat urgjente për specialistë në këto fusha, duke përmirësuar cilësinë e shërbimeve shëndetësore dhe rritur aksesin e pacientëve në kujdesin mjekësor pranë vendbanimit.

Ministrja e Shëndetësisë dhe Mbrojtjes Sociale, Albana Koçiu tha se “në total kishim 50 kuota, pra 30 për mjekë familje dhe 20 mjekë urgjence. Ndërkohë që nga raundi i parë patëm aplikime dhe vendet u plotësuan. Raundi i dytë i përket 13 specialistëve urgjence dhe 9 mjekësi familjare”.

“Mjekët e urgjencës janë shumë të rëndësishëm në të gjitha strukturat spitalore, por dhe në urgjencën paraspitalore. Por nga krahu tjetër janë mjekët e familjes ata që duhet të marrin një rol të jashtëzakonshëm tek shëndeti i komunitetit kur vjen puna te shëndeti i qytetarëve”, u shpreh Koçiu.

Ministrja shtoi se i është dhënë rëndësi qendrave shëndetësore si porta e parë pritëse për çdo qytetar për t’i dhënë një staf të kualifikuar i cili nuk bën vetëm referime në strukturat spitalore, por edhe diagnostikën ashtu siç duhet.

“Ne kemi ngritur Qendrën e parë të mjekësisë familjare në Tiranë dhe do të vijojmë t’i shtrijmë këto Qendra të mjekësisë familjare edhe në qendra të tjera shëndetësore duke i dhënë një rol të jashtëzakonshëm mjekut të familjes”, nënvizoi ajo.

Aplikimet për specializimet në mjekësi urgjence dhe familje do të jenë të hapura deri më datën 24 qershor dhe për herë të parë për këtë proces të rëndësishëm është hequr testimi. Ministrja nënvizoi se mjekët që do të kryejnë praktikën do të paguhen përgjatë tre viteve të specializimit me 100% të pagës mjekut specialist.

Gjithashtu, Koçiu bëri të ditur se për rreth 20 mijë mjekë dhe infermierë do të përfitojnë një tjetër rritje page duke nisur nga muaji korrik.

“Me rritjet e reja të pagave në korrik do të kemi rritje akoma më të madhe sa i përket mjekëve të përgjithshëm. Një rritje prej 20 mijë lekë mbi pagën aktuale dhe infermierëve me 15 mijë lekë mbi pagën aktuale. Janë afërsisht 20 mijë punonjës të sistemit shëndetësor të cilët do të përfitojnë nga kjo rritje e dytë në korrik”, deklaroi ministrja e Shëndetësisë dhe Mbrojtjes Sociale, Albana Koçiu.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Edi25252: 21/06/2024 06:24

    Psikologët nuk janë mjekë . Për të sëmurët mendorë janë psikiatri të cilët janë mjekë

    Përgjigju
  • Greta: 20/06/2024 18:40

    PO PER PSIKOLOGET PSE NUK E RRISNI PAGEN, PSE NUK HAPNI VENDE PUNE NDERKOHE QE NDIHMEN E KERKONI DHE NA KENI SHTUAR TARIFA SI PROF TE LIRE! TURP,PSE PSIKOLOGET PERJASHTOHEN NGA RRITJA E PAGES KUR MERREN ME NJEREZ ME PROBLEME TE SHENDETIT MENDOR DHE DUHET TE VLERESOHEN PER NGA RENDISA JO TE NEGLIZHOHEN, TURP QEVERISE TUAJ, BASHKE ME ATE RRUMPALLE DREJTUESE TE URDHRIT QE KENI VENDOSUR QE NA E HENGRI HYMRIN E JETES , MJER PSIKOLOGET E RINJ QE DO PUNOJNE NE KTE SHQIPERI ME PAGA TALLESE E FYESE NGA CDO ASPEKT , 500 MIJ LEK TE VJETRA NUK DEL AS PER TE BLER USHQIME PER 2 JAVE JO ME TE JETOSH! TURP!!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kurbin/ Humb kontrollin e mjetit dhe del nga rruga, humb jetën 65 vjecari

Kurbin/ Humb kontrollin e mjetit dhe del nga rruga, humb jetën 65 vjecari

25 Dhjetor, 08:23