POP 5

Lajmet më të lexuara të 5 minutave të fundit

Kosova & Rajoni

Ministrja e Financave të Kosovës : Transaksioni i 2 milionë eurove ishte sulm kibernetik

Ministrja e Financave në Qeverinë e Kosovës, Hykmete Bajrami gjatë një raportimi të enjten para Komisionit Parlamentar për Mbikëqyrjen e Financave Publike tha se transaksioni i 2 milionë eurove nga Thesari i Kosovës në llogarinë e një kompanie private është realizuar përmes një sulmi kibernetik.

Ministrja e Financave të Kosovës : Transaksioni i 2 milionë eurove ishte sulm kibernetik

Ministrja e Financave në Qeverinë e Kosovës, Hykmete Bajrami.


Ministrja e Financave në Qeverinë e Kosovës, Hykmete Bajrami gjatë një raportimi para Komisionit Parlamentar për Mbikëqyrjen e Financave Publike tha se transaksioni për transferimin e 2 milionë eurove nga Thesari i Kosovës në llogarinë e një kompanie private është realizuar përmes një sulmii kibernetik.

“Pas tre minutave që jam informuar, menjëherë e kemi denoncuar rastin në Polici. Ky është krim ekonomik i realizuar përmes një krimi të thellë kibernetik, ku janë bërë qasje të paautorizuara, janë tejkaluar autorizimet ligjore, është bërë keqpërdorim i detyrës zyrtare dhe janë thyer passwordet”, tha Bajrami.

Sipas saj transaksioni i parave është një transaksion bankar dhe ka gjurmë për gjithçka.

“Krimi është i gjurmueshëm dhe më këtë intensivisht po merren organet e rendit”, tha ajo.

Lidhur më këtë rast Policia e Kosovës ka bërë të ditur se pas hetimeve të zhvilluara, ka arrestuar një të dyshuar ndërsa dy të tjerë gjenden në arrati. 

I arrestuari L.G, punëtor i Thesarit të Kosovës, dyshohet se ka bërë transfertën e mbi 2 milionë eurove përmes katër transaksioneve të ndryshme, në llogari të kompanisë, LDA Group Shpk, me bazë në Llapushnik, fshat në Komunën e Gllogocit, 30 kilometra larg Prishtinës.

Veton Rrecaj, avokati i punëtorit të Thesarit të Kosovës tha se është mbajtar seanca dëgjimore për klientin e tij me kërkesë të masës së paraburgimit, vendimi për  të cilin pritet të merret sot.

Ai ka thënë se klienti i tij dyshohet se ka kryer veprën penale, keqpërdorim i pozitës dhe autoritetit zyrtar.

“Prokuroria paraqiti arsyet apo thënë më mirë tendencën e saj për caktimin e masës së paraburgimit, mirëpo nuk na paraqiti asnjë provë konkrete relevante, e cila do ta mbështeste një pretendim të tillë, mirëpo kërkesa ishte tërësisht e përgjithësuar, e supozuar dhe në asnjë rast nuk pati mundësi ta argumentojë të njëjtën”, ka thënë Rrecaj para gazetarëve.

Lajmi i bërë publik pasditen e djeshme ka shkaktuar jo pak bujë në mediat vendase dhe ato rajonale për lehtësinë me të cilën i akuzuari ka kryer krimin. 

Rendit zhvillimet sipas orarit:
Ora 15:36
Një muaj paraburgim për punëtorin e Thesarit  

Gjykata Themelore në Prishtinë i ka caktuar masën e paraburgimit prej një muaj punëtorit të Thesarit të Kosovës, në rastin e transaksionit të 2 milionë eurove nga ky institucion shtetëror në një kompani private.

Siç njofton Gjykata, i pandehuri me iniciale L.G dyshohet për veprat penale “keqpërdorim i pozitës apo autoritetit zyrtar”.

Gjykata tha se mori vendim për ta dërguar në paraburgim, nga frika se i njëjti mund të arratiset apo edhe të pengojë rrjedhën e procedurës penale, duke ndikuar në dëshmitarë apo bashkëpjesëmarrës të tjerë.

“I pandehuri L.G dyshohet se me datë 09 tetor 2020 në cilësinë e personit zyrtar ka keqpërdorur detyrën e tij zyrtare duke realizuar transaksione në vlerë prej 2,077,995.90 euro në adresë të një kompanie, me të cilat veprime i ka shkaktuar dëm buxhetit të Republikës së Kosovës në shumë prej 2,077,995.90 euro dhe me këtë dyshohet se ka kryer veprën penale Keqpërdorimi i Pozitës apo Autoritetit Zyrtar nga neni 414 të Kodit Penal të Republikës së Kosovës”, njofton Gjytata Themelore e Prishtinës.

I arrestuari është L.G, dyshohet se ka bërë transferimin e mbi 2 milionë eurove përmes katër transaksioneve të ndryshme, në llogari të kompanisë, LDA Group Shpk (shoqëri me përgjegjësi të kufizuar), me bazë në Llapushnik, fshat në Komunën e Gllogocit, 30 kilometra larg Prishtinës.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Vota e diasporës/ Kthupi në Repolitix: Mos prisni të bëjë ndryshime radikale, partitë e mëdha nuk e duan

Vota e diasporës/ Kthupi në Repolitix: Mos prisni të bëjë ndryshime radikale, partitë e mëdha nuk e duan

15 Janar, 22:11