Ministrja e Jashtme mbledhje pune me ekipin shqiptar të Këshillit të Sigurimit: Shqipëria, iniciatore e Grupit të Miqve për Llogaridhënien në Ukrainë

Ministrja e Jshtme3, Olta Xhaçka ka zhvilluar sot një mbledhje pune me ekipin shqiptar të Këshillit të Sigurimit. Xhaçka ka vlerësuar performacën e Shqipërisë në muajt e parë të mandatit në Këshillin e Sigurimit. Xhaçka u shpreh se imazhi dhe profili i Shqipërisë është rritur në botë dhe se vendi ynë është iniciatore dhe bashkësponsorizuese e Grupit të Miqve për Llogaridhënien në Ukrainë.

"Shqipëria, performancë shumë të suksesshme në muajt e parë të mandatit. Është rritur shumë profili dhe imazhi i Shqipërisë në botë. Shqipëria është iniciatore dhe bashkësponsorizuese e Grupit të Miqve për Llogaridhënien në Ukrainë. Suksesi i detyrohet profesionalizmit të misionit dhe të Shërbimit tonë të Jashtëm ", tha Xhaçka.

Në qershor Shqipëria pritet të marrë Presidencën e Këshillit të Sigurimit, ndërsa Xhaçka tha se kjo do të jetë mundësi për të avancuar agjendën e prioriteteve dhe interesat e Shqipërisë.

"Presidenca do të jetë një mundësi për të avancuar agjendën e prioriteteve dhe interesat e Shqipërisë. Kemi një draft agjendë vërtet ambicioze, me disa evente të nivelit të lartë, ku do të trajtohen çështjet më të rëndësishme në listën tonë të prioriteteve. Shpresojmë që zhvillimet gjeopolitike të na lejojnë t’i qëndrojmë agjendës sonë", theksoi Xhaçka.

TAG:
• ministria e jashtme
• Nju Jork
• Këshilli i Sigurimit i OKB
• olta xhaçka