X

POP 5

Lajmet më të lexuara të 5 minutave të fundit

Sociale

Ministrja e 'Shëndetësisë' inspekton punimet në Spitalin e Kukësit: Së shpejti hapet urgjenca dhe kirurgjia e re, brenda 2022 përfundon i gjithë korpusi spitalor

Investimi në Spitalin Rajonal Kukës që po kryhet nga qeveria shqiptare në vlerën e rreth 3 milionë eurove, për të garantuar shërbim shëndetësor me standarde bashkëkohore për banorët e kësaj zone.

Brenda pak javësh përfundon faza e parë e punimeve në Spitalin Rajonal Kukës, me urgjencën e re dhe sallat moderne të operacionit, pjesë e projektit transformues të korpusit spitalor të Kukësit.

Ministrja e Shëndetësisë dhe Mbrojtjes Sociale, Ogerta Manastirliu bashkë me kryetarin e bashkisë së Kukësit Safet Gjici kanë inspektuar punimet në këtë spital, faza e parë e të cilit është drejt përfundimit. 

“Shumë shpejt vihet në funksion urgjenca e re dhe sallat operatore. Do të ndryshojë rrënjësisht shërbimi e urgjencës dhe gjithashtu shërbimi i kirurgjisë në këtë spital, duke finalizuar fazën e parë të investimit madhor në Spitalin e Kukësit”, tha Manastirliu. 

Gjatë inspektimti të punimeve në këtë spital, Manastirliu u shpreh se i gjithë investimi për korpusin e ri spitalor pritet të përfundojë brenda vitit 2022. 

“Ky investim i qeverisë shqiptare është për transformimin tërësor të korpusit spitalor. Faza tjetër që tashmë ka filluar përfshin edhe maternitetin e Kukësit që për herë të parë integrohet brenda korpusit aktual të këtij spitali dhe sigurisht gjithë rehabilitimi i pavioneve të patologjisë, kirurgjisë, imazherisë. Gjithashtu një pikë e rëndësishme që është shërbimi i laboratorit modern në këtë spital, që do të përfundojë brenda vitit 2022”, bëri me dije Manastirliu. 

Duke falenderuar stafin mjekësor për punën e bërë, Manastirliu tha se në këtë spital ka mjekë të specializuar, që vijnë në Kukës për t’u ofruar shërbim qytetarë afër vendbanimit. 

“Unë jam krenare që në Kukës kemi mjekë, të cilët pasi kanë përfunduar specializimet afatgjatë në këto vite, vijnë dhe ofrojnë shërbime në spitalin e Kukësit, duke bërë kështu që qytetarët kuksianë të mos shkojnë deri në Tiranë për të marrë shërbime, por t’i kenë shërbimet afër vendbanimit”, tha Manastirliu.

Kryetari i Bashkisë Kukës, Safet Gjici, falenderoi qeverinë shqiptare për investimin e bërë për banorët e Kukësit dhe zonave përreth.

“Falenderoj qeverinë shqiptare, kryeministrin Rama, që e bëri realitet më së fundmi këtë investim madhor për qarkun e Kukësit. Është një spital rajonal që u shërben jo vetëm kuksianëve, por u shërben hasjanëve dhe tropojanëve madje edhe në pjesën tjetër të Prizrenit. Ka shumë qytetarë që vijnë dhe vizitohen në këtë spital” tha Gjici. 

Investimi në Spitalin Rajonal Kukës që po kryhet nga qeveria shqiptare në vlerën e rreth 3 milionë eurove, për të garantuar shërbim shëndetësor me standarde bashkëkohore për banorët e kësaj zone.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Sulmet e Metës ndaj Dumanit, Wisner: Shqetësuese, s'kanë vend këtu! Shqiptarët duan drejtësi dhe kjo është e qartë! Nuk angazhohemi me non-grata

Sulmet e Metës ndaj Dumanit, Wisner: Shqetësuese, s'kanë vend këtu! Shqiptarët duan drejtësi dhe kjo është e qartë! Nuk angazhohemi me non-grata

18 Prill, 18:30 nga Armand Mero