POP 5

Lajmet më të lexuara të 5 minutave të fundit

Sport

‘Miqësoren me Italinë e kërkova unë’, trajneri i kombëtares Reja: Për Shqipërinë duhet të jetë motiv krenarie

Reja e quan një sfidë të bukur miqësoren me Italinë dhe shton se ka qenë ai që e ka kërkuar diçka të tillë.

Trajneri i kombëtares Edy Reja thotë se për Shqipërinë duhet të jetë një motiv krenarie përballja me Italinë në miqësoren e 16 nëntorit në ‘Air Albania’. Italiani foli në konferencë për shtyp për këtë ndeshje duke thënë se ka qenë ai që i ka kërkuar Dukës këtë miqësore. 77-vjeçari shtoi gjithashtu se do jetë një sfidë e bukur për të.

Miqësorja ndaj Italisë dhe emocionet – “Për Shqipërinë është një motiv krenarie për të luajtur me Italinë. Është një emocion i madh për mua sepse kam pasur eksperiencë të gjatë në Itali. Do të jetë e bukur për mua.”

Biseda me presidentin Duka – “Kur Italia humbi shansin që të ishte pjesëmarrëse në Botëror, ata po kërkonin përfaqësuese që të luanin miqësore, unë bisedova me presidentin Duka që të zhvillonim një ndeshje me ta.”

Lojtarët e kampionatit shqiptar – “Ka lojtarë të Superiores që më kanë lënë përshtypje të mirë, por nuk mund t’i merrja dot të gjithë tani. Nëse i referohemi miqësoreve me lojtarët e kampionatit shqiptar, kisha frikë se mos nuk i përgjigjeshin ndeshjeve. Por ata treguan personalitet dhe ishin shumë mirë. Mendoj se bëmë sfida të mira, nuk e merituam humbjen me Katarin, nuk na u dha një penallti. Doja t’i shihja këto katër lojtarë edhe për ndeshjet e muajit mars.”

Katër nga Superiorja – “Sigurisht që nëse i kam marrë në këtë grumbullim do të thotë që kam besim te ata. Të gjithë do të kenë mundësi. Të gjithë janë të impenjuar me klubet dhe do të më duhet të shoh gjendjen fizike. Këta katër lojtarë që kam marrë nga kampionati shqiptar mendoj e janë të sigurt të luajnë kundër një skuadre si Italie. Sigurisht sfida ka dhe emocionet e veta.”

Kontrata dhe emrat – “Atëherë do të përfundojmë këto dy ndeshje dhe më pas do të kemi mundësinë të ulemi bashkë me presidentin që mund të them kam marrëdhënie shumë të mira. Do të gjejmë një zgjidhje për më të mirën e Shqipërisë.”

Mançini – “Sigurisht Mançinin e njoh mirë dhe e di që ai nuk do të vij për shëtitje në Shqipëri. Mund të thuash shumë për Italinë. Është një skuadër e frikshme. Por mua më intereson që Shqipëria të bëj një ndeshje të mirë. rezultati varet nga lojtarët që zbresin në fushën e lojës. Që ai do të luajë me lojtarë të rinj. Jemi thuajse në të njëjtat pozita.”

Mungesat – “Këto dy ndeshje kanë shumë vlera. Balajn, Cikalleshin, Seferin dhe Uzunin nuk na i lejojnë klubet që t’i merrnim në Kombëtare për shkak të ndeshjeve ndërsa me probleme fizike janë Manaj, Strakosha, Çekiçi dhe Gjimshiti që sapo është i rikuperuar. Do të doja që të gjithë lojtarët t’i kisha në dispozicion. Mbeten për tu parë edhe të rinjtë.”

 

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça