Miratimi i lejes për ndërtimin e Teatrit Kombëtar, PD: Vendimi i KKT, presion mbi Gjykatën Kushtetuese

Pasi Këshilli Kombëtar i Territorit ka miratuar lejen për ndërtimin e godinës së re të Teatrit Kombëtar, ka reaguar PD. Deputetja e zgjedhur Albana Vokshi e ka cilësuar këtë vendim të KKT si presion mbi Gjykatën Kushtetuese.

Deklarata e plotë:

Në fillim thanë se teatri duhej bërë me PPP dhe kulla sepse nuk kishin para. Mashtruan! Sot thonë se teatri do bëhet duke shtuar borxhin publik, pa kulla. Mashtrojnë!  Pasi shembën barbarisht dhe në shkelje totale të çdo norme e ligji godinën historike, sot po shembin shtetin e së drejtës dhe po ushtrojnë prsion mbi vendimmarrjen e Gjykatës Kushtetuese, duke vendosur  fillimin e punimeve për të ashtuquajturin Teatri i Ri.

Veliaj thotë 0 Kulla, por nxitimi për të filluar punimet zbulon qartë që interesi i regjimit Rama-Doshi nuk është arti, as kuktura, as Teatri, por vetëm fitimet marramendëse nga projekti korruptiv i kullave që do të shërbejnë si lavatriçe e parave të pista të krimit e korrupsionit.

Vendimi i sotëm është një tjetër akt i arbitraritetit, dhunimit të ligjit,  gjykatave dhe interesit publik, që dëshmon se masakra zgjedhore e 25 Prillit nuk zgjidhi asgjë pë shqiptarët. PD do të jetë deri në fund në krah të betejës së Aleancës për Teatrin dhe qytetarëve shqiptarë për rikthimin e legjitimitetit dhe demokracisë në vend .

Lajmi kryesor:

Këshilli Kombëtar i Territorit miraton lejen për Teatrin Kombëtar në Tiranë! Veliaj: Zero kulla në territor!

TAG:
• Tirane
• erion veliaj
• teatri kombetar
• PD
• Albana Vokshi
• Bjarke Ingels
• shembja e teatrit