POP 5

Lajmet më të lexuara të 5 minutave të fundit

Politikë

Miratohet drafti “Për vetëqeverisjen
vendore”, Bode: Ligji i pakonsultua

Komisioni i Ekonomisë miratoi vetëm me votat e mazhorancës projektligjin “Për vetëqeverisjen vendore”. Drafti u paraqit nga Ministri Bledi Çuçi, prezantoi të mërkurën në komisionin e ligjeve sipas të cilit përmes tij propozohet një kuadër i ri ligjor për organizimin dhe funksionimin e pushtetit vendor, pas reformës administrativo territoriale.
Miratohet drafti “Për vetëqeverisjen<br />vendore”, Bode: Ligji i pakonsultua
TIRANE - Komisioni për Ekonominë dhe Financat miratoi vetëm me votat e mazhorancës projektligjin “Për vetëqeverisjen vendore”. Drafti u paraqit nga Ministri i Shtetit për Çështjet Vendore, Bledi Çuçi, prezantoi të mërkurën në komisionin parlamentar të ligjeve sipas të cilit përmes tij propozohet një kuadër i ri ligjor për organizimin dhe funksionimin e pushtetit vendor, pas reformës administrativo territoriale.

“Esenca e reformës së Pushtetit Vendor në Shqipëri, sipas programit politik të Këshillit të Ministrave të miratuar nga Kuvendi, sintetizohet në dy objektiva strategjikë: E para të maksimalizojë eficencën operacionale përfshirë dhe standardet e performancës, kujdesit ndaj qytetarit dhe komunitetit, cilësisë së shërbimit , së dyti të fuqizojë efektivitetin e përfaqësimit demokratik, përfshirë kontrollin demokratik të drejtimit politik të bashkive dhe të këshillave, përgjegjshmërinë e tyre, transparencën dhe reagimin e përfshirjen e komuniteteve lokale”, tha Çuçi.
 
Polemikat
Ish Ministri i Financave Ridvan Bode, shprehu kritikat e tij për këtë ligj, duke e cilësuar si të nxituar dhe të motivuar politikisht.

“Ligji është i nxituar dhe kushtëzohet nga fakti që disa zëra, tituj në projektbuxhetin 2016, janë programuar që t’i kalojnë qeverisjes vendore. Në nxitim e sipër, sigurisht është i pakonsultuar dhe nuk merr në konsideratë, nevojën për një stad të ri, në decentralizimin e pushtetit të funksioneve dhe të financave. Ky ligj demaskon dhe qëllimin e asaj të quajtur, Reformë territoriale administrative , që mazhoranca e shpalli si hapin e parë të decentralizimit thelbësor të qeverisjes”, tha Bode

Redaksia Online
(Gre.M/Shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zgjedhjet në SHBA, mbyllen qendrat e para të votimit

Zgjedhjet në SHBA, mbyllen qendrat e para të votimit

6 Nëntor, 00:16