Mirdita përgatitet për festivalin e
Gjirokastrës, ja çfarë do të sjellë

Me repertorin më të mirë të përzgjedhur, për një nga festivalet traditë të vendit tonë dhe nën kostumet që përfaqësojnë zakonet e krahinës, Ansambli i Mirditës është bërë gati për të marrë pjesë në festivalin e Gjirokastrës.

Nën drejtimin e Drejtorit të Pallatit të Kulturës në Rrëshen, Gjergj Marku, kanë nisur provat prej muajsh dhe tashmë gjithçka është gati për tu përfaqësuar denjësisht në këtë festival. 

Drejtuesi i këtij grupi Gjergj Marku vlerëson ndryshimet e këtij viti në festivalin e Gjirokastrës. Ai shpjegon se grupet do të performojnë muzikë moderne nëpërmjet veglave tradicionale të folkut, kreativitet që sipas tij ndihmon në një promocion të mirë të rajoneve nga vinë këto grupe. 

“Kemi disa grupe instrumentale, pra grupin e të rriturve por edhe atë të rinjve. Do të ketë dhe një moment tjetër përshëndetës pikërisht me instrumenta popullor me çiftelitë, me kontrabas çifteli etj..jep atë lloj kreativiteti që kërkon sot edhe muzika moderne,” u shpreh Gjergj MARKU Drejtor i Pallatit të Kultures Rrëshen.

Janë me dhjetëra artistë nga Mirdita të cilët me performancën e tyre kanë tërhequr një vëmendje të madhe në të gjitha aktivitetet ku ata kanë marrë pjesë, duke përfaqësuar në këtë mënyrë denjësisht krahinën e tyre.
 











Redaksia Online
(xh.k/shqiptarja.com)