Receta

Mish me patëllxhanë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 22 Nëntor 2023, 11:36 | Përditesimi: 22 Nëntor 2023, 11:39

Mish me patëllxhanë

Përbërësit:

500 gr mish
1.5 kg patëllxhanë
2 qepë
4-5 domate
3 thelpinj hudhër
1 gjethe dafine
Vaj ulliri
Kripë, piper
Majdanoz

Përgatitja:

LEXO EDHE:
Pulë me oriz në furrë nga zonja Albana

Mishin e prerë në copa e skuqim në yndyrë së bashku me qepët e grira hollë, më pas shtojmë domatet e grira ose salcë domatesh. Vazhdojmë kaurdisjen së bashku për 3-4 minuta, hedhim ujë derisa të mbulohet mishi, kripë, piper, gjethe dafine dhe e lëmë në zjarr të ngadaltë për t'u zier. Gjatë kësaj kohe përgatitim

patëllxhanët, të cilëve u heqim bishtin, lëkurën në 2-3 vende dhe i presim për së gjati fillimisht dhe më pas në kubikë mesatare. I vendosim patëllxhanët në një enë me ujë të ftohtë e kripë që t'u dalë hidhërimi dhe të mos nxihen. Më pas patëllxhanët i kullojmë, i shpëlajmë dhe i shtrydhim pak. Para përfundimit të zierjes së mishit (rreth 20-30 minuta para) shtojmë në tenxhere patëllxhanët dhe 2-3 thelpinj hudhre të grira hollë. Sipas dëshirës mund të vendosim sipër dhe disa feta domatesh. E mbulojmë tenxheren me kapak dhe e lëmë gjellën të gatuhet. Në fund rregullojmë shijen me majdanoz të grirë hollë.

MC/Shqiptarja.com

TAG: