Pjesëmarrja e Zonjës së Parë të SHBA-ve, Mishel Obamës në homazhet për mbretin Abdullah ka shkaktuar polemika të shumta në Arabinë Saudite.
 
Mishel nuk mbante shami dhe ngjyra e fustanit të saj ishte shumë e ndezur për një rast të tillë.  Jo të gjithë vlerësuan lirshmërinë me të cilën Mishel Obama mori pjesë në udhëtimin e bashkëshortit të saj në Arabinë Saudite për të bërë homazhe për mbretin Abdullah, dhe për tu takuar me mbretin e ri Salman.
 
Ajo që skandalizoi opinionin publik vendas ishte fakti se Zonja e Parë nuk mbante shami, në një vend ku gratë, me përjashtim të disa të huajave, nuk dalin asnjëherë në publik pa shami.
 
Pak e përshtatshme ishte dhe veshja e zgjedhur, pasi  vërtet i kishte krahët e mbuluara, si duhet në arabinë Saudite, pro fustani blu nuk ishte i përshtatshëm për të bërë homazhee ndaj mbretit. 

Redaksia Online
(Shqiptarja.com)