POP 5

Lajmet më të lexuara të 5 minutave të fundit

Ekonomi

Misioni i FMN mbërrin në Tiranë për
 rishikimin e pestë të marrëveshjes

Një ekip i Fondit Monetar Ndërkombëtar ka “zbarkuar” në Tiranë për rishikimin e pestë të marrëveshjes trevjeçare, pas miratimit të transhit të dytë dhe të tretë të kredisë që ky institucion i dha qeverisë shqiptare në fund të muajit shkurt.
Një ekip i Fondit Monetar Ndërkombëtar ka “zbarkuar” në Tiranë për rishikimin e pestë të marrëveshjes trevjeçare, pas miratimit të transhit të dytë dhe të tretë të kredisë që ky institucion i dha qeverisë shqiptare në fund të muajit shkurt.
 
Ekipi që mbërriti në Tiranë, i kryesuar nga Shefi i Misionit për Shqipërinë, Nadeem Ilahi, do të analizojë të gjithë sistemin e financave publike.
 
Burime nga ministria e Financave bënë të ditur se në axhendën e takimeve janë parashikuar të analizohen zhvillimet e fundit makroekonomike, bilanci i pagesave dhe kushtet fiskale. Në tryezën e diskutimeve pritet të shtroeht edhe buxheti i vitit 2015, dhe ndërhyrjet e mundshme në të për shkak të mosrealizimit të objektivave për periudhën 4 mujore.
 
Axhenda e këtij misioni parashikon takime me Guvernatorin e Bankës së Shqipërisë, Genti Sejko, Ministrin e Financave, Shkëlqim Cani dhe atë të Ekonomisë, Arben Ahmetaj. Bordi Ekzekutiv i Fondit Monetar Ndërkombëtar përfundoi ne mesin e muajit maj shqyrtimin e katërt të performancës ekonomike të Shqipërisë nën mekanizimin e zgjatur të Fondit (EFF). Përfundimi i rishikimit mundëson një disbursim të menjëhershëm të rreth 35.9 milionë euro, duke e çuar shumën totale të disbursuar në rreth 153.1 milion euro.

Marrë nga ATSH
 
Redaksia Online
( b.h/Shqiptarja.com )

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Spanjë/ Kapet gomonia me sasi të madhe kokaine, arrestohen 7 shqiptarë

Spanjë/ Kapet gomonia me sasi të madhe kokaine, arrestohen 7 shqiptarë

15 Janar, 21:46