Shqipëria bëhet sërish promovuese dhe mbështetëse e paqes dhe sigurisë, duke i propozuar vendeve të Kartës së Adriatikut, SHBA- A5, kontribut të përbashkët në misionin e NATO-s në Irak.
Pak muaj pas marrjes së kryesimit të Kartës së Adriatikut nga Shqipëria, shefat e shtabeve të përgjithshëm të Forcave të Armatosura të A-5 u mblodhën në vendin tonë në konferencën e posaçme, ku u mbështet propozimi që Shqipëria, Bosnja dhe Hercegovina, Kroacia, Maqedonia e Veriut dhe Mali i Zi të jenë pjesë e misionit të NATO-s në Irak.
Konferencën, ku merrte pjesë edhe zëvendëskomandanti i forcave amerikane në Evropë, gjeneral Lejtnant Stephen Twitty, e përshëndeti edhe ministrja e Mbrojtjes Olta Xhaçka, e cila nënvizoi intensifikimin gjatë dy viteve të fundit të bashkëpunimit mes Shqipërisë dhe Shteteve të Bashkuara të Amerikë në fushën e mbrojtjes. Ministrja Xhaçka theksoi edhe një herë qëndrimin e vendit tonë për politikën e dyerve të hapura edhe për Kartën e Adriatikut.
“Është më e rëndësishme se kurrë që dyert e kësaj nisme të vazhdojnë të mbeten të hapura. A-5 duhet te behet sa me shpejt A-6 pse jo, edhe A-7. Unë besoj se ajo do të ishte një ditë e mirë për sigurinë e rajonit, por edhe një lajm shumë i mirë për sigurinë e gjithë Evropës.”
Duke e vlerësuar Kartën e Adriatikut si një udhërrëfyes për anëtarësimin në NATO, ministrja Xhaçka u ndal edhe te detyrimet që këto vende kanë si anëtare të Aleancës.
“Të jesh anëtar i NATO është mbi të gjitha një përgjegjësi. Një përgjegjësi për të përqafuar vlerat mbi të cilat është ngritur Aleanca, për të bashkëpunuar për konsolidimin e sigurisë e stabilitetit të rajonit tonë, por edhe për të kontribuar për sigurinë tonë kolektive kudo që të jetë nevoja. Prandaj, unë dua t’ju propozoj sot, që të diskutojmë dhe të miratojmë propozimin tonë për një përfaqësim të përbashkët për vendet e A-5 në misionin e NATO në Irak”, tha në fjalën e saj ministrja e Mbrojtjes.
Në konferencë, mori pjesë edhe Republika e Kosovës me statusin e vëzhguesit dhe si vend që ka aplikuar për t’u anëtarësuar. Në përfundim, shefat e shtabeve të A-5 dolën me një deklaratë të përbashkët ku mbështetën propozimin e Shqipërisë që vendet anëtare të Kartës së Adriatikut të marrin pjesë në misionin e NATO-s në Irak, duke ia deleguar këtë propozim Ministerialit të A-5, i cili do të mbahet në Tiranë në dhjetor të këtij viti.
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Moti i keq, Ministria e Mbrojtjes: Situata është qetësuar dhe po shkon drejt normalizimit
22 Nëntor, 19:02 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
‘Urban Operation 24’, Toga e Këmbësorisë mbyll me sukses stërvitjen në Bullgari, Vengu: Dëshmi e investimit në ushtri, angazhim për paqe dhe stabilitet bashkë me NATO-n (VIDEO)
17 Nëntor, 16:04 -
Stërvitja 'SAR RESPONSE 2024', Ministria e Mbrojtjes: Përgjigjje efektive ndaj çdo emergjence duke siguruar mbrojtjen e jetës
15 Nëntor, 10:36 -
“Në 2025, 2 avionë për zjarret dhe stërvitje!” Xhaferraj përplasje me ministrin e Mbrojtjes në kuvend
11 Nëntor, 17:07
-
Komisioni i Sigurisë/ Vengu: Do ringremë flotën ajrore, investime në blerje avionësh si për stërvitje pilotësh, ashtu edhe për emergjenca civile
11 Nëntor, 15:46 -
Projektligji i Qeverisë, rreth 2100 ish-ushtarakë dhe civilë, me mundësinë për t’u bërë rezervistë! Drafti në Kuvend, kostoja 1,5 mld lekë (DOKUMENTI)
6 Nëntor, 22:35 -
Do krijohet Forca Rezerviste! Zbulohet vendimi i Qeverisë: Shërbim ushtarak deri në 45 ditë në vit! Pranohen dhe ato me dy shtetësi
30 Tetor, 19:43 -
Qeveria i hap rrugë krijimit të Forcës së Rezervistëve, ministri Vengu: 15.5 mln euro nga buxheti 2025
30 Tetor, 12:58 -
Regjistrohet në QKB kompania shtetërore e prodhimit armëve KAYO e Ministrisë së Mbrojtjes, Ardi Veliu zgjidhet drejtor
17 Tetor, 13:35
