POP 5

Lajmet më të lexuara të 5 minutave të fundit

Sociale

Misteri që mbart rrapi 500-vjeçar i Drizarit në Mallakastër dhe një apel Agjencisë së Zonave të Mbrojtura: Shpëtoni biomonumentin!

Drizari është një nga fshatrat e bashkisë Mallakastër i njohur jo vetëm për traditat por dhe për rrapin e famshëm 500 vjeçar. Banorët kërkojnë nga Agjencia e Zonave të Mbrojtura të ndërhyjë sa më parë, pasi pema që gëzon statusin monument natyre ka nisur të thahet e degradojë.

Rrapi shekullor i Drizarit në Mallakastër rrezikon të thahet, pasi degët e pemës janë goditur nga rrufeja.  Rrapi, thuhet se është 500-vjeçar dhe ka një lartësi 30 m dhe perimetër të trungut afro 8 metra. Është monument natyre i mbrojtur nga shteti dhe i vetmi institucion që mund të ndërhyjë është Agjencia Kombëtare e Zonave të Mbrojtura.  Avdi Salaj, banor i zones kërkon nga Ministria e Mjedisit dhe Zonat e Mbrojtura te dergojnë sa më shpejt një grup ekspertësh për të vlerësuar dhe mirëmbajtur këtë pemë simbol për Drizarin dhe gjithë Mallakastrës.

“Degën pas nesh e ka goditur rrufeja. Ajo duhet prere hyn ujë dhe po e than gjithë pemën. Duhet të ndërhyjë Ministria se ne nuk na lejohet se është monument”, tha ai. 

Sipas gojëdhënave rrapi ka qenë vend-takimi dhe shplodhje për karvanët dhe vetë banorët e zonës. Legjendat e treguara ndër vite për këtë biomonument kanë bërë që vizitorët dhe turistët e huaj ta shohin nga afër këtë pemë të rrallë, e vetmja e këtij lloji në gjithë zonën.

“Po vijnë shumë turistë këtu vizitojnë zonën dhe ndalojnë tek Rrapi. Nga Greqia, Suedia e Serbia, nga shumë vende të Europës”, u shpreh Salaj.

Ky biomonument njihet edhe me emrin “Rrapi i Ujit” dhe është i vendosur në luginën e “Përroit të Thatë’’, afro 1 kilometer nga autostrada Levan-Tepelenë.

R.D/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mund të zhvillojë Shqipëria turizmin elitar?

Lajme të tjera



×

Lajmi i fundit

NBA/ Përparojnë Denver dhe Oklahoma City, LA Lakers janë jashtë! Boston thellon avantazhin në 3-1

NBA/ Përparojnë Denver dhe Oklahoma City, LA Lakers janë jashtë! Boston thellon avantazhin në 3-1

30 Prill, 16:55