Mitsotakis paralajmëron me 'vija të kuqe': Nuk pyesim askënd për sovranitetin e Greqisë! Maqedonia e Veriut të respektojë Marrëveshjen e Prespës

Kryeministri grek Kyriakos Mitsotakis gjatë një interviste ditën e sotme në kanalin SKAI u ndal edhe tek marrëdhëniet në rajon me Turqinë dhe me Maqedoninë e Veriut, me të cilën së fundmi duket se janë tensionuar sërish.

Sa i përket Turqisë, Mitsotakis u shpreh se përveç disa mosmarrëveshjeve të vogla gjërat shkojnë mirë.

'Krahas mungesës së tensionit në Egje, ne kemi një progres të rëndësishëm në bashkëpunimin tonë refugjat/emigrant me flukse jashtëzakonisht të kufizuara, ne punojmë mirë me Turqinë dhe së treti lehtësimin e vizave që u mirëprit me entuziazëm nga ishujt grekë', tha Mitsotakis.

LEXO EDHE:
Mitsotakis nga Brukseli, kërcënon se të bllokojë aspiratat e Shkupit për në BE

Ndërkohë, ai foli për vija të kuqe që Greqia dhe qeveria e tij nuk mund t’i kalojë dhe se për sovranitetin kombëtar Greqia nuk pyet askënd.

'Politika e jashtme greke nuk ka ndryshuar vitet e fundit me vijat tona të kuqe, me vetëbesimin, me forcimin e rrjetit tonë të aleancave, mirëpres që kemi lënë pas që kemi lënë pas periudhën e tensionit. Mund të biem dakord të mos pajtohemi pa gishtin në këmbëz. Turqia është ajo që tha se nuk dëshiron të bisedojë me Greqinë dhe Erdogan me mua. Sa i përket parqeve detare që do të ndërtohen, çështja nuk e shqetëson aspak Turqinë . Kemi parkun detar të Alonissos, Zakynthos. Asgjë nuk është e fshehur. Greqia padyshim nuk kërkon mendimin e askujt për ushtrimin e sovranitetit kombëtar, sqaroi zoti Mitsotakis', shtoi ai.

Nga ana tjetër, në lidhje me Maqedoninë e Veriut ai ka paralajëruar që të mos shkelet marrëveshja e Prespës.

'E paralajmërova qeverinë e re në Shkup se çdo devijim nga zbatimi i Marrëveshjes do të ketë pasoja të rënda për marrëdhëniet tona dypalëshe, por edhe për rrugën e Maqedonisë së Veriut drejt Evropës. Më bëri shumë përshtypje që dje SYRIZA nxitoi t'i dorëzonte për votim në Kuvend tre memorandumet për Prespën. Domethënë, tani që shohim atë që dyshonim për një kohë të gjatë, që mund të vijë qeveria e ardhshme dhe në një farë mënyre të vërë në dyshim thelbin e Marrëveshjes, erga omnes (kundër të gjithëve), tani le të sanksionojmë memorandumet dhe të anulojmë çdo negociatë. arma që kemi kundër Shkupit... " Ajo që sot kërkon nga ne SYRIZA është një akt që arrin kufijtë e absurdit, " tha kryeministri. “Ne nuk do t'i ratifikojmë memorandumet për Prespën nëse nuk jemi absolutisht të bindur se pala tjetër respekton të gjitha dispozitat e Marrëveshjes së Prespës”, ​​shpjegoi kryeministri grek Mitsotakis. 

G.K/Shqiptarja.com

TAG:
• Kyriakos Mitsotakis
• turqia
• Maqedonia e Veriut