Bashkimi Evropian dhe ambientalistët kritikojnë vendimin e presidentit Trump për të hedhur poshtë masat e marra nga ish presidenti Obama sa i përket ndryshimeve klimatike.

Unioni kërkoi që manjatai të rishohë edhe njëherë vendimin e  marrë.

Këtë të martë kreu i Shtëpisë së Bardhë firmosi një urdhër ekzeutiv që përmbys rregullat e epokës “Obama”, për frenimin e ndryshimeve klimatike.

Urdhri ekzekutiv i pavarësisë energjetike pezullon një pjesë të masave të ndërmarra nga paraardhësi i Trumpit dhe promovon karburantet fosile.

Mes nismave tashmë të shfuqizuara është edhe plani për energjinë e pastër, i cili u kërkon shteteve të reduktojnë emetimet e karbonit.

Vendimi i administratës “Trump” është vlerësuar nga bizneset, por ka ngjallur kritikat e ashpra të aktivistëve ambientalistë.

Përpara se të nënshkruante urdhrin,  manjati tha se ai do t’i jepte fund luftës për qymyrin dhe rregullave që vrisnin vendet e punës.

Urdhëri i firmosur është edhe një nga premtimet e Trump gjatë fushatës presidenciale madje në atë kohë  ai i cilësoi nismat e Presidentit Obama për energji të pastër aspak të zgjuara pasi sipas tij, rregullore të tilla çojnë në “mbylljen e vendeve të punës”.

Redaksia Online
e.m/Shqiptarja.com