POP 5

Lajmet më të lexuara të 5 minutave të fundit

Kronikë

Mjekët për 21 Janarin, Abazaj:Nisim
hetimet, vendos komisioni disiplino

Presidenti i “Urdhrit të Mjekut” ka shpjeguar se do të nisë hetimi për këtë rast dhe vetëm komisioni disiplinor.
TIRANE- Dy mjekët e spitalit të Traumës, Alfred Gega dhe Sami Koçeku, kanë tejkaluar kompetencat me deklaratat e dhëna për vrasjen e protestuesve në 21 janar të 2011-ës. Presidenti i “Urdhrit të Mjekut” Dine Abazaj, gjatë një dalje publike, ka shpjeguar se do të nisë hetimi për këtë rast dhe vetëm komisioni disiplinor, që do të përbëhet nga dy mjekë dhe një jurist, do të vendosë nëse mjekët kanë abuzuar apo jo dhe masën ndëshkimore
 
Për “Urdhrin e Mjekut” dy bluzat e bardha të spitalit të traumës kanë tejkaluar kompetencat e përcaktuar në Kodin Etik dhe deontologjik të mjekësisë, me deklaratat e bëra menjëherë pas mbërritjes në spital të protestuesve të 21 janarit.
 
Duke iu referuar letrës së mbërritur nga ministri Beqaj, që masa ndëshkimore, mund të jetë deri në heqje të licencës profesionale për tre vjet, “Urdhri i Mjekut” ka deklaraur se nuk merr urdhra nga askush.
 
Sipas tij, do të jetë komisioni disiplinor që do të vendosë edhe masën ndëshkuese, nëse vërtetohet se kanë tejkaluar kompetencat.
 
Po ashtu mësohet se rreth mesditës, “Urdhri i mjekut” u ka dërguar zyrtarisht kërkesën e ministrit të Shëndetësisë dy mjekëve, Alfred Gega dhe Sami Koçeku, për t’u njohur me të.
 
Mjekët kanë dy ditë afat të konsultojnë ankesën ndaj tyre, përpara se të thirren nga “Urdhri i Mjekut”. 
 
Redaksia Online
(e.s/shqiptarja.com)

/Shqiptarja.com
  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Trump tha se do heqë ligjin e nënshtetësisë për fëmijët që lindin në SHBA, Gjykata pezullon përkohësisht urdhrin e Presidentit

Trump tha se do heqë ligjin e nënshtetësisë për fëmijët që lindin në SHBA, Gjykata pezullon përkohësisht urdhrin e Presidentit

23 Janar, 21:40