Moda “tuxedo”, sipas zonjës Basha !

Nuk parapëlqen të shfaqet shpesh në publik, por kur vendos të jetë e pranishme në festa a pritje të ndryshme, zonja Basha, bashkëshortja e kryebashkiakut të Tiranës tenton fort të reflektojë modën më të fundit. E veshur thjesht, por me mjaft sqimë, Aurela Basha është parë së fundmi e veshur në një pritje e veshur me një fund “alla skocez” me pala të holla dhe një xhaketë të shkurtër mashkullore. Sigurisht për ata që nuk kanë lidhje fort me botën e modes, kur shohin këtë veshje do të mendojnë se kjo do të ishte gati e papërshtatshme, por kur mendon se ajo drejton një revistë mode, gjithçka që ke menduar para fashitet për një çast. Ajo duket sikur do t’u tregojë gjithë të pranishmëve se e njeh modën dhe tendencat e fundit, duek zgjedhur pikërisht sugjerimet më të fundit të modës, atë që quhet “tuxedo dress”.