“Viktima të thikës” cilësohen ato yje të ekranit që i janë nënshtruar ndërhyrjeve kirurgjikale, me të cilat më shumë kanë përkeqësuar sesa përmirësuar pamjen e tyre.

Modelja britanike Alicia Douvall, e njohur për operacionet e shumta plastike që ka kryer, në një inetrvistë për “The Sun” ka thënë se ajo nuk arrin ti buzëqeshë fëmijës së saj për shkak të operacioneve plastike.


Modelja është mamaja e dy fëmijëve dhe ka kryer 350 ndërhyrje plastike.

“Më është thyer zemra. Imagjinoni të mbani fëmijën tuaj për herë të parë në krah dhe të mos jeni në gjendje ti buzëqeshni”, ka thënë Douvell.

Më tej ajo ka thënë se ka qenë shumë egoiste duke menduar vetëm për vete, se si të duket bukur.

“Tani ëndrra ime është që një ditë Papaya të shohi mamanë e saj  ti buzëqeshë për herë të parë”, ka shtuar më tej Alicia.

E penduar por shumë vonë, Alicia tregon me dhembshuri se si duke u përpjekur për të qenë perfekte është shndërruar në një njeri që nuk i buzëqesh dot as vajzës së saj.

Ajo gjithashtu ka marë përsipër një fushtaë, e cila sensibilizon të rinjtë që të rrinë larg operacioneve plastike, pasi e vetmja gjë që ofrojnë ata është një katastrofë.

Modelja ka shprehur se ajo nevrikoset shumw kur shikon foto e saj në moshën 17 vjeçare, kur kishte një bukuri natyrale dhe thotë se as vetë se ka kuptuar se si është kthyer në një maniake të operacioneve.

(b.t/shqiptarja.com)