Moldavia kërkon largimin
e trupave ruse nga Trans-Dnieste

Parlamenti moldav votoi në shumicë kërkesën ndaj Rusisë për të tërhequr trupat ushtarake nga rajoni i Trans-Dniester. 1500 forca ushtarake ruse janë dislokuar në këtë rajon që në vitin 1992 kur në 2 mars të këtij nisi lufta midis separatistëve pro-rusë dhe forcave të qeverisë moldave.

Qëndrimi i shumicës së organit legjislativ moldav thotë se trupat ruse të vendosura në rajonin e Trans-Dniester-it “ kanë dhunuar pavarësinë, sovranitetin dhe integritetin territorial të Moldavisë “.

Qeveria e Moldavisë dhe presidenti i vendit janë në pozicione të kundërta politike në lidhje me orientimin e vendit drejt Rusisë apo Perëndimit. Presidenti Igor Dodon, aleat i Kremlinit e kritikuar  votimin “ si të qëllimshëm në përkeqësimin e marrëdhënieve me Rusinë “.

Kurse kryeministri Pavel Filip synon orientimin e Moldavisë drejt anëtarësimit në BE dhe intensifikimin e marrëdhënieve me SHBA-në.

Rajoni i Trans-Dniester u shkëput në 1990. Nga muaji mars deri në muajin korrik të vitit 1992 separatistët të përkahur nga Moska nisën luftën me shtetin moldav. Konflikti i armatosur solli vdekjen e 1500 vetave.


Redaksia Online
d.v./shqiptarja.com