Një video është bërë hit në internet, teksa shfaqet një moment i pazakontë. Një fëmijë ka shpëtuar mrekullisht nga rënia nga ballkoni, pasi poshtë e ka pritur një ‘hero’.

Ka qenë pikërisht një polic që ishte me shërbim në atë zonë, që është kthyer në hero për fëmijën, duke i shpëtuar jetën. Kanë qenë kalimtarët që kanë parë fëmijën teksa varej nga bordurat e ballkonit, duke vënë menjëherë alarmin.

Policia është afruar dhe ka nisur përgatitjet për të pritur fëmijën, i cili është shkëputur direkt. Ngjarja ka ndodhur në Egjipt, ku vogli ka rënë në krahët e policit, duke shpëtuar mrekullisht dhe është dërguar shëndosh e mirë në shtëpinë e tij.