POP 5

Lajmet më të lexuara të 5 minutave të fundit

Kronikë

BKH 'ndez motorët', në fokus tenderat e korrupsioni! Hajnaj takim me drejtuesin e SPAK e prokurorët

Drejuesja e BKH Aida Hajnaj zhvilloi sot takimin e parë zyrtarë me kreun e SPAk dhe 12 prokurorë ku në fokus ishte përshpejtimi i hetimeve për çështje me interes publik, kryesisht për tenderat dhe korrupsionin e zyrtarëve publikë. Kreu i SPAK ka kërkuar që deri në dhjetor vartësit e tij të kenë rezultate konkrete.

TIRANË- Abuzimi me fondet publike, barazia në tendera dhe korrupsioni i zyrtarëve publik pritet të jenë fokusi i punës së byrosë kombëtare të hetimeve dhe prokurorëve të SPAK për sezonin e ri të nisur nga kjo e mërkurë në një takim të përbashkët pune.

Report Tv mëson se në takimin 60 minutësh pjesë e të cilës ka qenë drejtuesi i SPAK Arben Kraja, drejtuesja e Byrosë Kombëtarë të Hetimit Aida Hajnaj, përfaqësues të ambasadës së SHBA-s është folur se 120 ditë e mbetura deri në fund të vitit duhet të kenë rezultate konkrete.

Zbulimi i parave të fshehura të bosëve të krimit apo korrupsioni, si dhe pronave të tyre do të jetë një tjetër sektor ku do të fokusohen hetimet e SPAK dhe BKH-s.

Kraja i cili ka bërë edhe bilancin e sektorëve të 12 prokurorëve të SPAK ka garantuar Hajnëjn për mbështetjen e tij dhe SPAK përgjatë hetimeve dhe koordinimit të punëve të përbashkëta.

Po ashtu Kraja ka kërkuar çeljen e garës nga Hajnaj për 60 oficerët e byrosë kombëtare të hetimit të cilët pas përzgjedhjes së tyre do të dërgohen në SHBA për t'u trajnuar nga agjentët e FBI.

Byroja Kombëtare e Hetimit përbëhet nga drejtori, zëvendësdrejtori, hetuesit dhe punonjësit e administratës. Ajo ka gjithashtu në përbërje të saj shërbime të Policisë Gjyqësore, të përbëra nga oficerë të Policisë Gjyqësore, nga Policia e Shtetit dhe institucionet e tjera përkatëse.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46