Trajneri i Kombëtares së Shqipërisë, Christian Panucci, ka bërë publike listën e lojtarëve, që do të ketë në grumbullim për dy ndeshjet miqësore të radhës. Janë 24 lojtarë, të cilët do të nisin përgatitjet në datën 26 maj, në Zyrih.
Spikasin prurje të reja, sikundër është sulmuesi i Kukësit, Sindrit Guri, i transferuar tashmë tek Oostende në Belgjikë. Në një lidhje telefonike, Guri tregon për Report Tv, emocionet pas ftesës, njëkohësisht edhe përgjegjësinë në të ardhmen.
“Do të tentoj me të gjitha mënyrat që të jem gjithmonë pjesë e Kombëtares tani e prapa. Duke luajtur tani edhe në Belgjikë, që mendoj se është një kampionat më i fortë se ai shqiptar, do rritem akoma më tepër në aspektin sportive. Do jap maksimumin për të qenë pjesë gjithnjë e kuqezinjve dhe të jap më të mirën për Kombëtaren, sepse i detyrohem shumë” – shprehet sulmuesi i Kukësit, Sindrit Guri.
Lajme të tjera
-
Nuk komentoi çështjen e parave, Panucci: Duka ka bërë deklarata të shëmtuara
8 Shkurt 2020, 14:19
