'Mos ngrini sytë për të parë ku është droni, por...', policia rrugore iu kujton ligjin shoferëve (VIDEO)

Policia Rrugore e Elbasanit, gjithashtu në javën që kaloi ka vijuar me zbatimin e planit të masave me qëllim rritjen e parametrave të sigurisë në rrugë.

Me ndihmën e radarëve dhe drager, 9 drejtues mjetesh janë proceduar penalisht pasi u janë evidentuar një sërë shkeljesh të rregullave të qarkullimit rrugor, ndërsa janë marrë plot 1100 masa.

Më tej, Policia Rrugore ka paralajmëruar se do të vijojë kontrollet e pandërprera në të gjithë territorin e qarkut të Elbasanit me qëllimin e rritjes së sigurisë së jetës në rrugë.

Postimi i policisë:

Policia Rrugore e Elbasanit, gjatë javës që kaloi kanë vijuar zbatimin e planit të masave me qëllim rritjen e parametrave të sigurisë në rrugë.

Me Radar e Drager, në autostradë dhe në rrugët e qytetit, për të parandaluar, evidentuar dhe ndëshkuar ata drejtues mjetesh që qarkullojnë me shpejtësi tej normave të lejuara , ata që drejtojnë mjetin nën ndikimit e alkoolit apo në gjendje të dehur, si dhe për shkeljet e ndryshme që parashikohen në Kodin Rrugor.

Gjatë javës që kaloi janë proceduar penalishtë 9 drejtues mjetesh nga këta : 3 drejtues mjetesh janë arrestuar në flagrancë për drejtim mjeti në gjendje të dehur si dhe janë proceduar penalishtë në gjendje të lirë 6 drejtues mjetesh.

Si rezultat i kontrolleve janë pezulluar 10 Leje Drejtimi, për drejtim të mjeti nën efektin e alkoolit apo në gjendje të dehur , për shpejtësi tej normave të lejuara , mbajtja e fëmijës në vend të parë , për drejtim mjeti në sens të kundërt, largim nga vendi i aksidentit.

Nga kontrollet janë evidentuar një sërë shkeljesh të rregullave të qarkullimit rrugor ku drejtuesit e mjeteve janë ndëshkuar me masë administrative dhe konkretisht: janë vendosur 1100 masa kryesisht për mos vendosje të rripit të sigurimit, për përdorim të celularit gjatë drejtimit të mjetit, nuk respektojnë shpejtësinë vecanarishtë në qendrat e banuara dhe në afërsi të vendkalimeve të këmbësorve, për xhama të errët, mungesë kontrrollit teknik të mjetit, mos-ruajtja e distancës në udhëtim, për mos vendosjen e kaskës mbrojtëse, për parakalime të gabuara si dhe për mos pozicionim në korsin e duhur.

Janë kryer 300 alkool teste , ku kanë rezultuar se: 10 drejtues mjetesh drejtonin mjetin nën efektin e alkoolit apo në gjendje të dehur, 90 drejtues mjetesh kishin konsumuar alkool por brenda limiteve të lejuara, ndërsa 200 drejtues mjetesh kanë rezultuar 0.00 mg/l.

Shifrat që tregojnë reflektimin pozitiv të drejtuesve të mjeteve , duke shmangur drejtimin e automjetit, pas përdorimit të pijeve alkoolike. Policia Rrugore e Elbasanit gjen rastin të falenderojë të gjthë ata drejtues mjetesh që rrespektojnë rregullat e qarkullimit rrugor, duke u bërë pjesë e ndihmesës në rritjen e parametrave të sigurisë rrugore.

Policia Rrugore e Elbasanit, do të vijojë kontrrollet e padërprera në të gjithë territorin e qarkut të Elbasanit me qëllimin e vetëm: Rritjen e sigurisë së jetës në rrugë dhe jo për qëllimin e ndëshkimit me masa administrative të drejtuesve të automjeteve.