Moska propozon ndërmjetësim midis SHBA dhe Iranit

Moska po përpiqet të jetë dinamike në konfliktin në Gjirin Persik, i cili po përjeton tension të lartë midis Uashingtonit dhe Teheranit.

Në kryeqytetin rus, Ministri i Jashtëm Serghiei Lavrov, duke u takuar me homologun e tij nga Emiratet e Bashkuara Arabe Abdullah Bin Zayed Al Nahyan, tha se: Ne do të përpiqemi t'i bindim kolegët tanë iranianë dhe amerikanë të braktisnin konfrontimet e rrezikshme për të filluar një dialog civil, që padyshim presupozon fundin e politikës së ultimatumeve, sanksioneve dhe shantazheve.

Ndërkohë sot Ministrat e Mbrojtjes të NATO-s, po përballen me një gamë të gjerë çështjesh delikate të sigurisë, përfshi dhe tensionet mes Washingtonit dhe Teheranit. "Mund të jetë shumë e vështirë për Bashkimin Evropian të pajtohet për një paketë që në thelb kundërshton sanksionet, sanksione gjithnjë e më të ashpra të kërkuara nga Washingtoni. Unë besoj se do të ishte shumë më e lehtë të rihapet debati mbi dialogun strategjik me Iranin”- tha Ian Lesser, nënkryetar i Fondit Gjerman Marshall në SHBA.

Për komandantin e trupës revolucionare të Teheranit, sanksionet amerikane ndaj Iranit janë iracionale dhe sigurisht që nuk do të ketë asnjë rezultat.

TAG:
• nato
• SHBA
• Rusi
• Trump
• iran
• teheran
• Lavrov