Moska urdhëroi vrasjen e ish-spiunit Skripal, SHBA merr vendimin e fortë, sanksione shtesë Rusisë

Shtetet e Bashkuara do t'i vendosin sanksione të reja Rusisë pasi kanë vlerësuar se kjo e fundit ka përdorur agjent nervor kundër ish-spiunit rus, Sergei Skripal dhe vajzës së tij Yulia në Salisbury të Britanisë së Madhe disa muaj më parë.

Departamenti Amerikan i Shtetit ka bërë të ditur këtë njoftim ditën e mërkurë, duke evidentuar se ka qenë Moska që ka porositur vrasjen e ish-spiunit rus. 

"Shtetet e Bashkuara kanë vlerësuar se sipas Aktit të vitit 1991 për Kontrollin e Armëve Kimike dhe Biologjike, se Qeveria e Federatës Ruse ka përdorur armë kimike apo biologjike në kundërshtim me ligjin ndërkombëtar ose ka përdorur armë kimike apo biologjike kundër shtetasve të vet", ka thënë zëdhënësja e Departamenti Amerikan të Shtetit, Heather Nauert. 

Sanksionet e reja pritet të kenë efekt më 22 gusht ose përreth kësaj date. Skripalët ishin gjetur pa ndjenja afër një stoli në Sallsbëri të Anglisë më 4 mars. Pas disa javësh të shërimit ata tanimë janë liruar nga spitali. Perëndimi akuzon Rusinë për përdorim të agjentit nervor, Noviçok kundër Skripalëve.

LEXO EDHE:
Një në katër amerikanë thonë se nuk do të mund të dalin në pension

Agjenti në fjalë është substancë e kategorisë ushtarake e zbuluar nga ushtria sovjetike në kohën e Luftës së Ftohtë. Moska në anën tjetër mohon çdo keqbërje.

TAG:
• SHBA
• rusia
• Sanksione
• Sergei Skripal

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  23.6%

• Keq

  62.6%

• Nuk e di

  13.7%

Vota total: 3193

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di