I gjithë vendi është përfshirë nga reshje të shumta shiu e rrebeshe, që do të vijojnë edhe përgjatë fundjavës.Qarqet me rrezikshmërinë më të lartë, ku reshjet do jenë intensive janë Shkodra, Kukësi, Dibra, Tirana dhe Vlora.
Ndërkohë, moti i keq ka krijuar problematika në qytetin e Lezhës dhe Durrësit, duke shkaktuar përmbytje në disa rrugë.
Situata më problematike u paraqit në qytetin e Lezhës, ku sistemi i kanalizimeve nuk e përballoi nivelin e lartë të prurjeve dhe uji doli në sipërfaqe, duke sjellë përmbytje. Bulevardi “Gjergj Fishta” dhe blloku i banimit 11-janari, u mbuluan nga uji niveli i të cilit arriti në disa cm, duke vështirësuar lëvizjen e qytetarëve dhe automjeteve.
Reshjet e shiut me intensitet të lartë vijuan gjithë ditës së premte, por fatmirësisht nuk raportohet të kenë krijuar dëme në pronën e qytetareve, ndërsa emergjencat civile në të tre bashkitë e qarkut janë vënë në gatishmëri për t’i paraprirë çdo situatë që mund të krijohet.
Reshjet e shiut në Lezhë kanë sjelle përmbytje dhe të oborrit të shkollës 9-vjeçare “Kosova”.
Niveli i ujit arriti disa centimetra dhe u desh ndërhyrja e punonjësve të shërbimeve publike me një makinë për nxjerrjen e mësuesve e nxënësve nga shkolla.
Rruga e shkollës 9-vjeçare “Martin Camaj” në qytetin e Shkodrës është përmbytur paraditen e sotme, duke krijuar vështirësi për lëvizjen e mësuesve e nxënësve.
Përvec ndërtimeve pa kriter të cilat i kanë zënë pamjen shkollës, duke krijuar edhe mungesën e një oborri për nxënësit shqetësim është dhe amortizimi i rrugës. Një problem ky i ngritur prej vitesh nga prindërit dhe mësuesit por që nuk ka gjetur zgjidhje.
Për të parë situatën ishte sot kryetari i Bashkisë Shkodër, Benet Beci i tha se si fillim do të bëhet një ndërhyrje e shpejte për të shmangur përmbytjet në dimër, e mandej do të hartohet një projekt për rehabilimin e gjithë lagjes.
Tirana dhe e gjithë Shqipëria është përfshirë nga reshje të dendura shiu. Grupet e emergjencës së Bashkisë Tiranë bashkë me skuadrat e tjera po punojnë intensivisht për të normalizuar situatën pas shirave të rrëmbyeshëm.
Edhe pse reshjet janë tepër intensive, kanalizimet po kullojnë sasinë e madhe të ujit, ndërsa lëvizja e këmbësorëve dhe e mjeteve vijon aktualisht pa probleme.
Sikurse mund ta shihni edhe nga fotot, pranë çdo kryqëzimi në kryeqytet kanë qenë punonjësit e Bashkisë së Tiranës, të cilët kanë punuar për normalizimin e situatës.
Moti i keq ka përfshirë edhe qytetin e Durrësit, ku erëra të forta dhe reshje të dendura shiu kanë bërë që në disa prej akeseve të qytetit të mbushen me ujë.
Situata problematike mbetet rruga dytësore e lagjes 17, kryqëzimi pranë stadiumit, rruga e Currilave, rruga dytësore pranë zjarrëfikëses dhe disa akse të tjera në zonat periferike.
Sakaq lundrimet për peshkarexhat e vogla mbeten të pezulluara për 24 orët në vijim.
Komente
Lajme të tjera
-
Kisha e 'Shna Ndout' tërheq qindra besimtarë, mbahet mesha e shenjtë e Krishtlindjes
24 Dhjetor, 20:06 -
Durrës/ Kamioni përplas për vdekje 40-vjeçarin me biçikletë në rrugë, shoferi arratiset nga vendngjarja! Bllokohet mjeti, identifikohet viktima (VIDEO+FOTO)
24 Dhjetor, 17:32 -
Miratohet buxheti i bashkisë së Durrësit për 2025/ Anëtari i PD-së del nga rreshti, ja çfarë parashikon
24 Dhjetor, 16:34
-
Porti i Durrësit, rinis udhëtimi i trageteve
24 Dhjetor, 13:08 -
Moti për sot/ Reshje shiu dhe dëbore në gjithë territorin
24 Dhjetor, 07:40 -
Moti i keq në Durrës, ishte ankoruar në portin e peshkimit, fundoset peshkarexha ‘Gimi dhe Geri’
23 Dhjetor, 14:40 -
Tjetërsimi i 66 mijë m2 tokë te Rana e Hedhun, Apeli i GJKKO dyfishon dënimin për ish-kryebashkiakun Frrokaj! Do kthehet në qeli, do vuajë 2,8 vite burg (VENDIMI)
23 Dhjetor, 14:15 -
Moti i keq/ Pezullohet lundrimi i trageteve Durrës-Bari e anasjelltas, në Vlorë trageti mbetet në radë! Rruga e Arbrit e pakalueshme
23 Dhjetor, 13:45 -
VIDEOLAJM/ Dy tragete përplasen në kalatën e portit të Durrësit, shkak moti i keq! S'ka të plagosur
23 Dhjetor, 13:01 -
Moti i keq/ Lezha përfshihet nga rrebeshet e shiut me erëra të forta! Vështirësohet qarkullimi i mjeteve në qytet
23 Dhjetor, 12:13 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52
durresi dihet mo
Përgjigju