POP 5

Lajmet më të lexuara të 5 minutave të fundit

Arkiva

Moti i keq, shkollat do hapen pas një jave

Ata duket se do të qëndrojnë të mbyllura përgjatë gjithë kësaj jave dhe pritet që të rihapin dyert pas ndryshimit të kushteve meteorologjike. Ministria e Arsimit dhe Shkencës njofton se nga komunikimet që ka pasur me drejtoritë arsimore të zonave problematike, nuk ka pasur dëme në objektet shkollore, por situata po rëndohet gjithnjë e më shumë.
Moti i keq, shkollat do hapen pas një jave
TIRANE- Një pjesë e madhe e shkollave në vendin tonë, janë mbyllur si pasojë e motit të keq. Ata duket se do të qëndrojnë të mbyllura përgjatë gjithë kësaj jave dhe pritet që të rihapin dyert pas ndryshimit të kushteve meteorologjike. Ministria e Arsimit dhe Shkencës njofton se nga komunikimet që ka pasur me drejtoritë arsimore të zonave problematike, nuk ka pasur dëme në objektet shkollore, por situata po rëndohet gjithnjë e më shumë. "Sipas deklarimeve të drejtuesve në këto rrethe, situata po rëndohet për shkak të reshjeve të dendura të ditës së sotme.
Nga DAR-të konfirmohet se hapja dhe vijimi i procesit mësimor do të jetë në varësi të Komitetit të Emergjencës. Drejtuesit e këtyre DAR/ZA-ve janë duke e ndjekur situatën, pasi janë anëtarë të Komitetit të Emergjencës në rrethet e tyre", - thuhet në njoftimin për shtyp të MASH-it. Më tej ministria e Arsimit bën të ditur se nga drejtuesit e DAR/ZA-ve Dibër, Kukës, Malësi e Madhe, Has, Tropojë, Pukë, Bulqizë, konfirmohet se vijon e njëjta situatë atmosferike. "Nga ana tyre është komunikuar me drejtuesit e shkollave, që banojnë pranë shkollave, nga ku rezulton se nuk ka dëmtime në infrastrukturën shkollore. Drejtuesi e ZA -së Tropojë konfirmoi se po punon me të gjithë drejtuesit e shkollave dhe anëtarët e shtabit të emergjencës për heqjen e borës nga çatitë e objekteve shkollore. Në ZA Librazhd nuk zhvillohet mësim në komunat Orenj, Lunik, Rajcë dhe komuna Qendër. Në ZA Mat, nuk zhvillohet mësim në komunat Xibër (Xibër, Suç, Kurdari), Komsi (Frang) dhe Rukaj (1 shkollë). Në DAR Korçë dhe ZA-të Kolonjë, Pogradec, Devoll mësimi ka filluar në shkollat dhe qendrat që nuk kanë probleme me transportin. ZA Devoll mësimi nuk zhvillohet vetëm në Arzë dhe Vidohovë. Ndërsa, në ZA Pogradec nuk zhvillohet mësim në komunat Trebinj dhe Proptisht", - njofton ministria e Arsimit.

  • Sondazhi i ditës:

    Mendoni se arrihet objektivi i qeverisë për pagë mesatare 900 euro?

Lajme të tjera



×

Lajmi i fundit

Ministrja Kumbaro intervistë për ‘ITB Berlin’ panairin e turizmit: Gjithçka që ju duhet, e gjeni në Shqipëri! Destinacioni i preferuar në Ballkan

Ministrja Kumbaro intervistë për ‘ITB Berlin’ panairin e turizmit: Gjithçka që ju duhet, e gjeni në Shqipëri! Destinacioni i preferuar në Ballkan

30 Mars, 10:02