POP 5

Lajmet më të lexuara të 5 minutave të fundit

Kronikë

Motori u përplas me furgonin në Lushnje, ndërron jetë pas një jave 25-vjeçari! Braçe: Ta nxirrja nga morgu ishte e dhimbshme, prindërve iu ishte 'këputur shpirti'! Kujdes në rrugë

Pas 6 ditësh nga aksidenti tragjik, përplasja ka rezultuar për njëri prej të rinjve, që sot është përcjellë në banesën e fundit. Bëhet fjalë për të riun Ervin Kalia, një 25-vjeçar i cili po udhëtonte në motorin që u përplas me furgonin në rrugën e Cermave, afër Proshkut.

Motori u përplas me furgonin në Lushnje, ndërron jetë pas një jave 25-vjeçari! Braçe: Ta nxirrja nga morgu ishte e dhimbshme, prindërve iu ishte 'këputur shpirti'! Kujdes në rrugë

Foto nga vendi i ngjarjes dhe viktima, Ervin Kalia

LUSHNJE- Pas 6 ditësh nga aksidenti tragjik, përplasja ka rezultuar për njëri prej të rinjve, që sot është përcjellë në banesën e fundit. Bëhet fjalë për të riun Ervin Kalia, një 25-vjeçar i cili po udhëtonte në motorin që u përplas me furgonin në rrugën e Cermave, afër Proshkut.

Ai kishte marrë dëmtime të rënda në kokë e shtyllë kurrizore, e për pasojë ka ndërruar jetë. Zv.kryeministri Erion Braçe ka sjellë në vëmendje këtë aksident për të përçuar një mesazh për respektimin e rregullave të qarkullimit rrugor, për të shmangur tragjedi të tilla.

Braçe rrëfen se ka qenë ai vetë një nga personat që e ka nxjerrë nga morgu dhe e ka përcjellë në banesën e fundit, ku ka parë me sytë dhimbjen e madhe që kanë përjetuar të afërmit e 25-vjeçarit. Prandaj, ai iu drejtohet me një mesazh të rinjve, që të kenë kujdes në rrugë.

 "Ervin Kalia ishte një super djalë. Nga Cerma e Sipërme! Vetëm 25 vjec, 25 vjec! Ta nxirrja sot nga morgu pas një jave lufte për jetën prej tij e mjekëve në spital, ishte shumë shumë e dhimbshme! Të takoja babain e tij, të afërmit, shokët që e prisnin aty për ta përcjellë për here të fundit në shtëpine e tij në Cermë, ishte akoma dhe me e dhimbshme; Ju ishte këputur një pjese shpirti! Por jeta kështu qenka! Tani duhet ta përballojmë!

Kam një lutje për cdo djalë të ri, kudo në Divjake e më tej; Kujdes në rrugë! Pak shpejtësi më shumë nuk u con me shpejt atje ku doni të shkoni! Pak kujdes më shumë ju mbron jetën, shëndetin! Çdo përdoruesi të rruge dua t'i kërkoj më forcë të zbatojë rregullat e qarkullimit, kaq! Ervin gjej prehje vëlla me Zotin pranë! Babës, nënës e motrës, të afërmve e shokëve të tu, Zoti t'u japë forcë të perballojne këtë dhimbje pa fund", shkruan Braçe.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Të lidhur me zinxhirë, njëri pas tjetrit! Shtëpia e Bardhë poston foto të emigrantëve ilegalë që po dëbohen nga SHBA

Të lidhur me zinxhirë, njëri pas tjetrit! Shtëpia e Bardhë poston foto të emigrantëve ilegalë që po dëbohen nga SHBA

24 Janar, 15:24