POP 5

Lajmet më të lexuara të 5 minutave të fundit

Kronikë

Motoristët me Vespa 'pushtojnë' Vlorën, Leli: Mundësi e mirë promovimi

Vete kryebashkiaku Dritan Leli i ka pritur pjesëmarrësit në këtë event në bashkinë e Vlorës  ndërsa ka zhvilluar edhe një  takim me ta teksa u ka prezantuar edhe qytetin e Vlorës.

Të apasionuarit pas motorëve Vespa kanë sjellë në qytetin e Vlorës një event mjaftë të bukur që ka tërhequr vëmendjen e shumë banorëve e turistëve. Eventi i quajtur  "First Vespa Day Vlora" solli në qytetin bregdetar  'Vespistat' e shoqatave VESPA të qyteteve Tiranë, Durrës, Prishtinë si dhe përfaqësues të shoqatave VESPA nga Anglia, Franca,dhe  Itali.

 Eventi është organizuar  nga 'Vespa Club Vlora' me mbështetjen e Bashkisë Vlorë dhe Kryetarit të saj, Dritan Leli.

Vete kryebashkiaku i ka pritur pjesëmarrësit në këtë event në bashkinë e Vlorës  ndërsa ka zhvilluar edhe një  takim me ta teksa u ka prezantuar edhe qytetin e Vlorës.

"Sot jam ftuar nga Vespa Clup Vlora.  Vespa Clup Shqipëria dhe nga të gjithë miqtë që kanë ardhur nga gjithë andej. Për të promovuar turizmin dhe për të promovuar Vespën. Një nga mjetet më fantastike që industria e motorave ka prodhuar dhe ka bërë bashkë të gjithë këto njerëz. Të gjithë së bashku do të shkojnë në vendet që karakterizojnë turizmin Vlonjat dhe që janë perlat  e këtij qyteti." ka thënë ndër të tjera Leli.

Pas vizitës në bashki pjesëmarrësit në aktivitetin u ndalën në shesh për të vazhduar më pas me aktivitetin e tyre.

Pikat që ndoqën motoristët janë: Zvërnec, Lungomare, Jonufër, Radhimë, Orikum, Amantia. Ndërsa destinacioni i fundit i tyre ishte Kanina. Qëllimi i këtij turi ishte po ashtu një promovim i bukur i qytetit bregdetar të Vlorës.

Vespa është një markë italiane e skuterëve të prodhuara nga Piaggio. Emri do të thotë grenzë në italisht. Vespa ka evoluar nga një model i vetëm skuteri i prodhuar në vitin 1946 nga Piaggio & Co. S.p.A. nga Pontedera, Itali - në një linjë të plotë të skuterave dhe një nga shtatë kompanitë e sotme në pronësi të Piaggio-së.

Nga fillimin e tyre, skuterët Vespa kanë qenë të njohur për të trupin e tyre të pikturuar prej çeliku dhe i cili kombinonte hapësirën për motor, dyshemenë, dhe pjesën e shquar të përparme në një njësi strukturore.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Mozambiku në kaos pas protestave, 33 të vdekur nga revolta në burg dhe mbi 1500 të arratisur

Mozambiku në kaos pas protestave, 33 të vdekur nga revolta në burg dhe mbi 1500 të arratisur

26 Dhjetor, 16:46