Ministria e Jashtme ka reaguar për punësimin e motrës së të penduarit të drejtësisë Nuredin Dumani, i arrestuar për një sërë vrasjesh, duke sqaruar me detaje se ka pasur kontratë pune me afat të caktuar 1 vjeçar si specialiste në Drejtorinë e Shërbimeve të Brendshme dhe se pozicioni i saj nuk ka pasur asnje mundesi aksesi per informacione te klasifikuara te NATO-s. sic eshte aluduar. .
Reagimi i Ministrisë së Jashtme vjen pas raportimeve në media se motra e Dumanit është e punësuar në institucionin shtetëror dhe është pajisur me certifikatë sigurie. Për të hedhur poshtë të gjitha pretendimet, thuhet se motra e të penduarit të drejtësisë, e identifikuar me inicialet Xh.D., u përzgjodh për të kryer praktikë 3 mujore në Ministrinë e Jashtme në Programin Kombëtar të Praktikave të Punës, të Ministrisë së Arsimit.
"Emri i znj. Xh.D ka qenë pjesë e listës që kanë aplikuar për këtë program sjellë në MEPJ nga Ministria e Arsimit. Pas marrjes së listës, ngrihet një komision që bën përzgjedhjen e studentëve, bazuar në metodologjinë e përcaktuar në VKM përkatëse dhe më tej, bazuar tek buxheti dhe kërkesat e drejtorive përkatëse të MEPJ, përzgjidhen një numer i caktuar studentësh, për të cilët lidhen kontratat e punës me afat të caktuar 1 vjeçar. Emrat e praktikantëve sugjerohen nga drejtoritë përkatëse ku ata kanë kryer praktikat e punës", thuhet në reagim.
Më pas sqarohet se ajo ka hyrë në Ministrinë e Jashtme përmes një programi, ku përzgjedhja bazohet vetëm në rezultatet e studentëve dhe që synon krijimin e hapësirave për studentët më të mirë në administratën publike. Pas përfundimit të praktikës, u vlerësua performanca dhe u lidh kontrata një vjecare e motrës së Dumanit, si specialiste në Drejtorinë e Shërbimeve të Brendshme. Në reagimin publik thuhet se ka paraqitur të gjitha dokuemntet dhe ka rezultuar e pastër. Sa i përket certifikatës së sigurisë nga DSIK, thuhet se bëhet e njëjta procedurë për cdo punonjës Ministrisë së Jashtme dhe motra e Dumanit nuk ka pasur asnjëherë akses në informacion të klasifikuar të NATO-s.
Znj. Xh.D e ka kryer praktikën në gusht 2021 dhe në perfundim të praktikës, për shkak të vlerësimit të performancës së saj nga drejtoria, është lidhur kontrata e punës me afat të paracaktuar 1 vjecar deri ne 31.12.2022, si specialiste në Drejtorinë e Shërbimeve të Brendshme, Sektori i Shërbimeve. Znj. Xh.D nuk ka qenë për asnjë moment e punësuar në Kabinetin e MEPJ.
Për punësimin e znj. Xh.D është kërkuar sipas ligjit, dëshmia e penalitetit nga autoritetet përkatëse e cila ka rezultuar e pastër. Në përputhje me ligjin, ashtu si për çdo punonjës tjetër të MEPJ, edhe për znj. Xh.D është kërkuar certifikata e sigurisë nga DSIK. Kjo certifikatë është, pas dëshmisë së penalitetit, një tjetër filtër nëpër të cilin kalon çdo punonjës i MEPJ.
Duam të sigurojmë publikun por edhe mediat e interesuara, që në asnjë moment zonja në fjalë nuk ka pasur akses në informacion të klasifikuar e aq më pak në informacion të klasifikuar të NATO. Informacionet e klasifikuara në MEPJ trajtohen me rregulla e procedura të posaçme dhe vetëm një numër i kufizuar punonjësish kanë akses në to”, thuhet në reagimin e Ministrisë së Jashtme.
Kujtojmë se arrestimi nga Policia e Elbasanit i Nuredin Dumanit ishte fillimi I një operacioni 'Plumbi i Artë' me 32 urdhër arreste në finalizim të të cilit emrat më të njohur të botës së krimit si Talo Çela, Ervis Martini e Suel Çela nuk u vunë në pranga. Më shumë se 12 janë ngjarjet kriminale që mendohet se janë zbardhur nga dëshmia e Nuredin Dumanit, pas arrestimit dhe janë goditur 8 grupe kriminale pasi Dumani dhe Hoxha bashkëpunuar me drejtësinë për të zbardhur krimet ndër më të rëndat në këto vitet e fundit, ekzekutime mafioze por edhe urdhra për vrasje, pagesa qindra mijëra euroshe për ekzekutime etj. Krimet më të shumta Nuredin Dumani ka rrëfyer se i ka bërë me Talo Çelën, si dy ortak njohur me pseudonimet, Lala dhe Bubi, pjesë e të njëjtit grup kriminal, por që shoqëria mes tyre mori fund pas grabitjes në aeroportin e Rinasit, për ndarjen e 4.3 milionë euro.
Komente
Lajme të tjera
-
‘Plumbi i Artë’/ GJKKO dëgjon dëshminë e Nuredin Dumanit e dy të penduarve të tjerë me dyer të mbyllura! Avokatët ikin nga salla: Të jetë edhe media
17 Dhjetor, 09:36
-
Odiseja e 'Xhaçkës' s'ka fund! Bardhi kërkon rivotim në Kuvend! Vë në dijeni dhe ambasadat
13 Dhjetor, 14:22
-
Debate në Kuvend për Opinionin e Venecias për Xhaçkën/ Bardhi: Shpikët një opinion që nuk ekziston! Bushka: Autonomia parlamentare fitoi të drejtën
12 Dhjetor, 12:53 -
Berisha: Belindën mos e thërrisni më Lubi Balluku, por Lubi Loti! Si mund të ndahen 13 km rrugë në 14 kontrata?! Në 11 maj PS do pësojë disfatë të thellë
12 Dhjetor, 12:45 -
Mandati i Xhaçkës, Komisioni i Venecias / Bushka: Vendimet e GJK, të zbatueshme por jo të diktojnë votën! Bardhi: Konfirmoi se mazhoranca bëri puç (DOKUMENTI)
10 Dhjetor, 11:24 -
‘Plumbi i Artë’ Nuredin Dumani dëshmon në GJKKO grabitjet me Talo Çelën e vrasjet! I theu nofullën kambistit i morëm 20 mln lekë! Tensione në seancë
10 Dhjetor, 11:20 -
Nga arratia, Suel Çela ankimon masën arrest me burg për dosjen ‘Plumbi i Artë’! Akuzohet për porositjen e dy vrasjeve
6 Dhjetor, 10:14 -
Mandati i Xhaçkës shqyrtohet nga Komisioni i Venecias, pritet publikimi i opinionit! PD akuza Spiropalit: Po fsheh draftin
6 Dhjetor, 09:37 -
Kuvendi/ Nesër 'Komisioni i Venecias' mblidhet për mandatin e Olta Xhaçkës, Bardhi: Duam draft-opinionin, çuat atje vetëm të PS-së! Spiropali: S'është publik! S'ju ftova se më keni refuzuar
5 Dhjetor, 09:49 -
Edhe “Matrix” flet shqip! Nuredin Dumani: E ka përdorur Suel Çela
4 Dhjetor, 15:41
-
Kur Nuredin Dumani rrëfente për SPAK platformën sekrete të ‘Matrix’: Suel Çela më kontaktoi aty, më ofroi 150 mijë euro për të vrarë pronarin e Wilson!
3 Dhjetor, 15:25 -
Zbërthehet 'Matrix', aplikacioni përdorej nga grupet kriminale! Dalin 2.3 milionë mesazhe në 33 gjuhë! Në të flitej dhe shqip
3 Dhjetor, 14:20
Dikur shoferi i Adi Shamkut u kap duke transportuar droge dhe ky i fundit u denua penalisht sepse falsifikoi rregjistrin sikur e kishte pushuar nga puna. Te jesh i/e punesuar ne ministrin e jashtme nuk eshte e njejta gje si ne dikastere te tjere. Drejtoria e burimeve njerezore sebashku me sherbimin e inteligjences qe eshte pjese integrale e kesaj ministrie duhet te pergjigjen penalisht dhe jo te na thone nuk ka pare Dumania dokumente te NATO-S. Sa Dumane dhe Duman te administrata shqiptare eshte e frikshme ti dish. Xhacka duhet te jape doreheqjen.
Përgjigju