POP 5

Lajmet më të lexuara të 5 minutave të fundit

Kronikë

Motra nga Greqia lëshoi alarmin, si zbuloi fqinja çiftin e pajetë në Dropull! Burri në oborr, gruaja me plagë në dhomën e gjumit

Një çift i moshuar u gjet pajetë në banesën e tyre në Dropull, me shenja dhune në trup dhe kokë. Pista e parë e hetimit është ajo e krimit në familje. Dyshohet se burrë e grua janë përfshirë në konflikt fizik dhe kanë goditur njëri-tjetrin me sende të forta. Ata jetonin të vetëm pa fëmijë dhe denoncimi është bërë nga fqinja. Nuk përjashtohet as pista e dytë ajo e grabitjes me dhunë.

DROPULL- Mëngjesin e sotëm (2 maj 2024) janë gjetur të pajetë Kosta dhe Kleoniqi Ilia në banesën e tyre në fshatin Bodrishtë të Dropullit. Prokuroria dhe policia po punojnë për të zbardhur dinamikën e ngjarjes.

Ka qenë një telefonatë nga Greqia e motrës së Kloeniqit në drejtim të fqinjës që ka çuar në zbulimin e ngjarjes tragjike. E merakosur për fatin e së motrës, me të cilën nuk kishte mundur të komunikonte prej mbrëmjes së të mërkurës, (1 maj)  ajo ka telefonuar fqinjen.

Kjo e fundit ka shkuar në banesën e çiftit 80-vjeçar rreth orës 06:00 të së enjtes ka gjetur Kostën, 84 vjeç të shtrirë në pragun e shtëpisë me plagë në kokë. Ndërsa në dhomën e gjumit ka gjetur Kleoniqin, 88-vjeçe të pajetë, me shenja dhune në trup.

Pas denoncimit të fqinjës në polici, në banesën e çiftit Ilia kanë mbërritur ekspertët e kriminales dhe prokurori. Në konstatimin e kryer nga grupi hetimor përjashtohet pista e grabitjes me dhune pasi nuk janë konstatuar thyerje të dyerve apo dritareve, si dhe në brendësi të banesës nuk janë konstatuar çrregullime të orendive. Kesisoj grupi hetimor ka kerkuar mjekun ligjor nga kryeqyteti per te provuar permes shenjave te ADN nese behet fjale per ndonje faktor te huaj ne kete krim, apo vertetimin e pistes qe eshte me e besueshme ajo e goditjes mes tyre me sende të forta. Pistë kjo që mbështetet dhe nga dëshmia e fqinjës që pohoi se çifti kishte konflikte.

Gazetari: Kishin konflikte me njërin tjetrin?

Fqinja: Po kishin konflikte, por ishin njerëz të mirë”

Burimet thanë se kryefamiljari Kosta Ilia kishte 5 dite që ishte kthyer nga Athina, pasi kishte marrë pensionin dhe për këtë te fundit besohet se ka debatuar me gruan. Fqinjët thane se i moshuari vuante problemet mendore dhe ishte konfliktual. Çifti nuk kishte fëmijë dhe jetonin vetëm me pension që ai e kishte përfituar si minoritar grek. Shuma e parave është gjetur në banesë. 

R.D/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Pronat shtetërore mund të shkëmbehen me private, si e vlerësoni ligjin?

Lajme të tjera



×

Lajmi i fundit

Operacioni i SPAK/ Lagjet që policia bastisi në Vlorë në kërkim për Fatmir Hysenin

Operacioni i SPAK/ Lagjet që policia bastisi në Vlorë në kërkim për Fatmir Hysenin

17 Maj, 11:33