POP 5

Lajmet më të lexuara të 5 minutave të fundit

Sport

Mund të shkruajë historinë në Europë, Partizani ka dilema për Mba-n! Astana favorite, por trajneri mund të largohet

Në ndeshjen historike kundër Astana-s Partizani ka rikuperuar sulmuesin Mba, por nigeriani mund t’i hapë punë të kuqve, pasi është larg formës së duhur.

Partizani do të luajë të enjten në orën 20:00 një nga ndeshjet më të rëndësishme në historinë e klubit, për të tentuar kualifikimin në grupet e Conference League. Për t’ia dalë duhet të përmbysë humbjen 1-0 që pësoi një javë më parë kundër Astana-s, që dominoi nga fillimi në fund.

Fatmirësisht të kuqtë për ndeshjen e kthimit kanë rikuperuar Eros Grezdën dhe mbrojtësin maqedonas Atanaskovski, i cili shleu dënimin për shkak kartonash. Megjithatë pikëpyetjet e mëdha mbetet për sulmuesin Christian Mba, i cili do jetë i gatshëm për trajnerin Zekic, por jo në formën më të mirë. 23-vjeçari nga Nigeria u dëmtua 3 javë më parë dhe është stërvitur pjesërisht ndaj pritet ta nisë nga stoli.

Lajmi i mirë për të kuqtë është se te Astana atmosfera nuk është më e mira. Disa media kanë shkruar se trajneri Babayan ka dhënë dorëheqjen për shkak të rezultateve negative në kampionat. Astana nuk fiton prej 2 korrikut në kampionatin kazak, ndërsa aktualisht mban vendin e 3 me 9 pikë më pak se kryesuesit.

Gjithsesi për sfidën në ‘Elbasan Arena’ Astana mbetet favorite. Fitorja e kazakëve kuotohet me koeficientin 2.2, barazimi 3.4, ndërsa fitorja e Partizanit me koeficientin 3.1. Ndoshta një detaj që nuk ka të bëjë me fushën e blertë, por me arkat e klubit, është se Partizani para sfidës me Astana-n ka kompletuar shitjen e mesfushorit Matondo në Turqi te Hatayaspor për 600 mijë euro. Në rast se kampionët e Shqipërisë kualifikohen edhe në grupe të Conference League atëherë përfitimet do ishin për rekord për një skuadër të Superligës.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

27 Janar, 20:22